Page 9 - Binder1_Neat
P. 9
Gobierno ta cla pa ehecuta rapport di AIB na San Nicolas
Publication: Tuesday, 10 March 2015. Categoria: General
Minister Otmar Oduber
ORANJESTAD (AAN): “Gobierno ta cla pa ehecuta rapport di AIB na San Nicolas”, esaki ta
palabranan di Minister Otmar Oduber despues cu el a haya oficialmente e rapport di Aruba
Investment Bank ‘San Nicolas Second Tourism Capital of Aruba, Cultural heritage capital of
Aruba’.
Minister Oduber a indica cu idea ta cu lo crea un fondo pa duna sosten particularmente pa
negoshi chikito y mediano y asina dunanan e forza pa por inverti den San Nicolas y por acudi na
un instituto financiero pa cu esaki.
Concentracion ta pa pone enfoke riba e aspecto cultural mirando cu esey lo por crea e pilar
economico, e lo por crea e atencion pa hiba e hendenan pariba y automaticamente crea un
desaroyo.
Den e cuadro aki e mandatario a indica cu entre otro Museo industrial ta cla caba, Community
Museum cu lo inicia e aña aki y lo worde segui pa e Carnival Museum. Tambe el a mustra cu
siman pasa a lanta Fundacion Monumento Aruba cu lo ta e organo encarga cu e museonan y
engrandece e experiencia cultural unico di nos isla y den e caso aki specialmente na e parti
pariba di nos isla.
E rapport a trece diferente puntonan dilanti y esnan presente a scucha tur loke ta andando,
presupuestonan aloca, proyectonan cu ta worde desaroya, inversionistanan nobo y existente.
“Awor tin un un timeline cu en berdad nos ta bisa ‘awor ta e ora, this is the time’, esaki ta e
momento cu nos ta cuminsa tira e pistol eynan pa tur hende sali, no pa competi cu otro, pero sali
hunto pa tur hende e ora yega na final hunto y tin un desaroyo comparti entre Gobierno y sector
priva”, Minister Otmar Oduber a duna di conoce.
El a bisa tambe cu Gobierno ya a finaliza cu diferente proyecto di infrastructura y lo continua cu
esaki tambe, tin diferente departamento cu lo bay ubica nan mes na San Nicolas, servicionan cu
lo worde ofreci, atraccionnan cu lo worde treci, transporte cu ta yega pariba a traves di
permisonan cu ta worde duna specificamente pa San Nicolas y ATA cu lo duna e sosten
completo na esaki. Asina e componente cu ta falta ta pa tur haci e inversionnan necesario pa por
