Page 7 - Binder1_Neat

Otro parti cu tambe a duna Aruba tremendo promocion, tabata durante e vitrina turistico na unda
cu e delegacion di Aruba a haya oportunidad di combersa cu diferente operador y companianan
interesa den haci negoshi cu Aruba como tambe a atende varios cita cu diferente companianan pa
sigura cu e mercado Colombiano ta bon informa encuanto Aruba. A presenta programanan
institucional, e novedadnan di e hotelnan y nan incentivonan pa aña 2015.

Manera costumber, A.T.A. Colombia bao e liderazgo di Maria Victoria Galan y Miriam Dabian,
director di A.T.A Latino America hunto cu Jerusha Rasmijn, Manager di Aruba Convention
Bureau, a probecha di e presencia di hoteleronan di Aruba, manera The Mill Resort & Suites,
Tropicana Aruba Resort & Casino, The Ritz Carlton, Radisson Aruba Resort, Hyatt Regency,
Renaissance, Divi Resorts, Aruba Marriott, Amsterdam Manor y Holiday Inn Resort, pa haci
reunion y presentacion na gruponan como tambe e sales managers di diferente agencia pa stimula
benta pa Aruba.

“E contacto personal ta valioso y durante e feria turistico y reunionnan programa, e delegacion di
Aruba a haya oportunidad pa discuti strategia y plan di accion preliminario”, asina Jerusha
Rasmijn a elabora.

Durante e vitrina, Aruba tambe a conta cu presencia di Insel Air y De Palm Tours cu a duna un
splicacion di nan ruta y servicio nan y tambe informacion extenso over di Aruba y kico ta tur e
diferente aspectonan turistico cu nos isla tin pa ofrece. Mester remarca cu Aruba ta sigui mantene
su posicion fuerte den e mercado Colombiano.

Igualmente e Minister di Comercio, Industria y Turismo di Colombia, Cecilia Alvarez-Correa a
re-afirma su compromiso pa sigui expone e diversidad di productonan y servicio, combersa over
di plannan y obhetivonan di cada pais. E mayoristanan internacional, profesional di sector
turistico lo sigui comunica den forma continuo y probecha di e aliansanan strategico.

http://www.diario.aw/2015/03/aruba-a-resalta-na-colombia-durante-e-vitrina-turistico-anato/