Page 6 - Binder1_Neat

Aruba a resalta na Colombia durante e vitrina turistico
Anato

Publication: Tuesday, 10 March 2015. Categoria: General
Aruba Tourism Authority cu varios presentacion

ORANJESTAD (AAN): Recientemente a tuma luga e di 34 edicion di Vitrina Turistico di
ANATO, Asociacion Colombiano di Agencias de Viaje, na Corferias, Bogota – Colombia.
Durante e exposicion, un gran cantidad di representantenan di Turismo a bini hunto pa conoce
novedadnan den sector di turismo.
Presidente di Asociacion Colombiano di Agencias de Viaje y Turismo, Paula Cortes Calle a
afirma e participacion di un total di 1.046 exposicion y 30 pais cu tabata presente.
E programa a inclui varios reunion cu diferente operador di tour, reunion strategico cu e
compania di Relacion Publico di Aruba na Colombia y mucho mas. Durante e evento, Aruba a
duna varios presentacion, tanto na operadornan pa asina duna nan tur informacion di e proximo
plannan turistico pa Aruba y otro proyecto y eventonan interesante pa e mercado aki.
Aruba a representa su nominacion den e World’s Legacy di National Geographic cu e
premiacion “Destination Leadership – Including protection of cultural and natural heritage and
educating travelers on sustainable tourism best practice”, liderazgo den sostenibilidad cu e
participacion di Sjeidy Feliciano di e ekipo di Relacionnan Publico di Aruba Tourism Authority.
Ademas, e mascota Bonbi tambe tabata presente durante e vitrina. Por medio di un programa
special, Bonbi ta yuda e muchanan cu ta bin como turista na Aruba pa compronde mas di nos
ecosistema. Atrabes di e mascot aki, e muchanan turistico ta worde invita pa mantene y cuida nos
medio ambiente.