Page 8 - Binder1_Neat

Cu un plan integral Minister Mike de Meza ta orguyoso pa
ta partner activo den e progreso di San Nicolas

Publication: Tuesday, 10 March 2015. Categoria: General

ORANJESTAD(AAN): Dialuna mainta a tuma luga e presentacion di e plan integral pa San
Nicolas, unda cu ta introduci na nos turistanan y na comunidad e parti p’ariba di Aruba como e
Cultural Heritage Capital – E Capital di Herencia Cultural di Aruba.
Minister Mike de Meza ta orguyoso di ta un partner activo den e progreso di San Nicolas, un
proceso cu ta consisti di diferente componente cu lo “brand” e ciudad y duna realce na su
caracter multicultural Caribense.
Durante di e presentacion el a menciona e atencion special cu a brinda na San Nicolas pa yega na
e punto cu ta para awe, cu diferente proyecto completa y e proyectonan cu ta bay worde realisa.
Den transcurso di e planning a mehora e infrastructura, a bin cu incentivonan fiscal pa
negoshinan ya estableci caba y pa stimula inversion localmente como tambe di exterior y a
inverti den e comunidad mes, cu embeyecemento di varios bario, un parke nobo, y renobacion di
cayanan, entre otro.
Prepando pa e “big unveiling” di e ciudad como “Capital di Herencia Cultural” a establece
Aruba su Carnival Village y ta trahando riba un Carnival Museum, pero tambe e restauracion di
Nicolas Store pa ubica un “Community Museum”. Den e proximo añanan San Nicolas lo conoce
un transformacion cu accento riba turismo y herencia cultural.
E plannan a worde finalisa cu un vision firme; e gruponan di interes ta cla pa realisa e vision aki
hunto cu Gobierno di Aruba y realisa asina e transformacion y desaroyo economico nobo di San
Nicolas.
http://www.diario.aw/2015/03/cu-un-plan-integral-minister-mike-de-meza-ta-orguyoso-pa-ta-partner-
activo-den-e-progreso-di-san-nicolas/