Page 11 - Binder1_Neat

Interes hopi grandi pa presentacion di AIB riba San Nicolas

Publication: Tuesday, 10 March 2015. Categoria: General
Ministernan Oduber y de Meza a presenta rapport

ORANJESTAD (AAN): Dialuna mainta Ministernnan Otmar Oduber y Mike de Meza tabatin
presentacion di e rapport di AIB riba San Nicolas na diferente persona di interes. Mester bisa cu
e sala a keda chikito y tur presente a mustra un interes hopi grandi pa loke ta e presentacion aki.
Na inicio di e presentacion, Minister Oduber a yama bon bini na e diferente asociacionnan
presente manera SNBA, Asociacion di Barnan, ATIA, AHATA, Camara di Comercio,
Asociacion di Banco, empresarionan activo na San Nicolas y tambe inversionista nobo.
Tambe e mandatario a yama bon bini na e diferente instancia di cultura presente, Oficina di
Turismo, Economia y demas presente.
Aproximadamente 2 aña y mey pasa a cuminsa cu un idea cu a sigui cu un mision pa New
Orleans, segui pa un serie di reunionnan na Aruba mes, bishitanan y un rapport cu tin mas o
menos 5 luna den proceso y cu a worde presenta dialuna mainta door di AIB.
Minister Otmar Oduber a splica di unda e vision y idea pa haci di San Nicolas e di dos capital
turistico di nos isla. “Mas o menos 3 aña pasa a laga traha un rapport ‘Winning the Future’. E
rapport tabata delinea hopi cla cu si nos kier continua den e rumbo di un turismo di calidad
caminda cu kier atrae e turismo afluente y concentra mas riba calidad cu cantidad, mester pone
acento riba e aspecto cultural, nos propio identidad”.
Den e cuadro aki a mira cu San Nicolas tin tur e ingredientenan pa haci di dje nos di dos capital
turistico, cu un enfoke special riba nos cultura y nos herencia. Esaki ta e mensahe cu a presenta
na tur presente den e sala, na e actornan cu ta determinante pa haci di e proyecto uno exitoso.
Minister Oduber a indica cu e rapport ricibi for di AIB lo ta e continuacion di e masterplan cu
Minister Sevinger a pone pa pariba di nos isla y awor a yega e punto pa pone tur hende hunto,