Page 25 - MIN.ARENDS

a21
bista politico Diasabra 28 OctOber 2017
Sr. Rasmijn (AVP) ta adverti contra nepotismo

ORANJESTAD - Recientemente parlamentario Don-
ny Rasmijn (AVP) a haci uzo di su ultimo oportunidad
di hiba palabra como parlamentario den Parlamento,
en todo caso pa awo, pa duna diferente advertencia.
Nepotismo: Haci abuso di bo posicion y poder pa faborece
famia y amigonan, specialmente via di duna nan trabou, por
ehempel den (departamentonan di) gobierno. Un forma di
patronahe politico.

Sr. Rasmijn a expresa cu nepotismo ta tumando luga na Aruba
pa hopi aña. Implicitamente sr. Rasmijn a expresa cu nepo-
tismo a tuma luga no solamente pa gabinetenan anterior, pero
tambe bou maneho di gabinete Mike Eman (AVP). Sr. Rasmi-
jn a adverti cu e lo sigui tuma luga bou di e siguiente gabinete
tambe. Sin menciona MEP y POR explicitamente, sr. Ras-
mijn ta premira cu famia y sponsornan di esunnan di MEP y
POR lo wordo beneficia bou maneho di e siguiente gabinete.
Sr. Rasmijn a haci un apelacion na RED, cu hunto cu MEP
y POR ta den negociacion pa forma e siguiente gabinete, pa
para fuerte contra e ola di nepotismo cu ta na caminda.
Si nos wak atras por remarca cu sr. Rasmijn mes, siendo par-
lamentario y miembro di fraccion AVP, mester a para (mas)
fuerte contra e nepotismo cu e ta acusa gabinete Mike Eman
(AVP) di dje. Si nos wak dilanti mester remarca cu ta bon cu
un parlamentario ta vocifera e asunto aki y no ta ignora cu su
propio partido tambe ta culpabel di esaki. Na luga di a uza su
tempo pa despedi y felicita e proximo constelacion parlamen-
tario, manera ta custumber durante e ultimo reunion publico
di un constelacion parlamentario, sr. Rasmijn a uza su tempo
pa duna un asunto serio atencion.

No work, no pay
Sr. Rasmijn tambe a adverti e fraccion nobo di AVP pa e mo-
cion di e fraccion anterior di AVP tocante no work, no pay
no bira bin bek riba nan manera un boomerang. AVP a rec-
lama hopi cu e fraccion di MEP anterior no tawata presente
suficiente den sala di parlamento pa haci nan trabou. Awo cu
AVP lo ta e partido den oposicion, e ta adverti nan pa nan si ta
presente den sala di parlamento continuamente. Sr. Rasmijn
ta considera esaki un cuestion di etica y integridad.

Politica nobo
Sr. Rasmijn tambe a elogia partidonan RAIZ y RED pa e for-
ma cu nan a hiba campaña, expresando cu RAIZ y RED a core
un campaña sin haci gastonan innecesario y sin intimidacion.
Segun Donny Rasmijn esaki ta un cambio total den mentali-
dad y e ta para tras di e forma di hiba politica aki.