Page 16 - Flip Arthur dowers

PAGINA 2 DIARIO DIALUNA 22 DECEMBER 2014

A haya polis femenino
benta sin paña na Eagle
y posiblemente abusa

ORANJESTAD (AAN):
Un caso hopi serio ta loke
a pasa y cu polis tambe ta
investigando cu tur nan
forsa. Un polis femenino a
wordo haya sunu benta den
un hanchi pega cu Eagle
Tennis Court. Alarma a
wordo bati pa e caso aki y na
yegada berdad e situacion
tabata mustra serio.

E coleganan di Oranjestad
cu a yega na e sitio a keda
sorprendi di haya nan colega
benta asina sin cu por a
defende su mes. Algun bisiña
ta bisa cu probablemente un
auto a pasa bente.

E agente aki e dia prome
ainda a traha nachtdienst
y a baha warda diabierna
mainta. Anochi el a bai dal
un trip y diasabra mainta a
bin haye asina benta den e
hanchi.

Ambulance a wordo pidi
y a bati alarma cerca e top di
polis. Tambe a avisa Arthur
Dowers minister di husticia
cu a presenta tambe na e
sitio. Un caso lamentable
sigur y hopi tristo cu lo laga e
hoben polis aki cu un trauma
pisa. Ta spera cu lo por pone
man riba esnan responsabel
den e caso serio aki.