Page 31 - EXTRA28NOV2015

Djasabra 28 Novèmber 2015 31

BO TRAHADONAN
I BO SERVISIO

Mirando e interes pa nos kolumna i e feedback ku nos ta risibiendo di tantu doñonan
di negoshi komo trahadónan nos mester bisa ku pa nos ta un plaser pa sigui papia ku
prinsipalmente abo Empresario/Ehekutivo/ Managernan pa asina yuda ku informashon
balioso i tepsnan ku ta konserní e trahadó ku ta raportá direktamente na bo persona.

E siman aki nos ke elaborá riba e servisio ku klientenan ta risibí ora nan drenta un
establesimentu. Ultimamente unda ku bo bira bo ta haña hende ta papia tokante di nos
hendenan, nos trahadónan i E SERVISIO ku nan ta haña ora di drenta negoshinan.

Nos mes a bin ta tuma nota den diferente establesimentu ku nos trahadónan ta hopi
demotivá.

No ta pòrnada nos a dediká asina tantu kolumna na e motivashon i desaroyo personal
di nos trahadónan.

Abo Empresario/Ehekutivo/Manager bo ta konsiente ku tin di bo trahadónan ta
demotivá? Bo a para ketu na e kousa? Bo a para ketu ku mayoria di bo trahadónan ta
presente na trabou paso nan mester di un salario �in di luna? Bo a para ketu i evaluá
bo benta últimamente? Bo a para ketu ku bo trahadó no ta sintié parti di bo negoshi/
organisashon?

Nos tur sa ku ekonomia no ta den su mihó tempu. Pero nos sa tambe ku tur hende
mester sigui, ku esun tiki entrada ku e tin, kumpra su kosnan di uso tòg.

Pa e preguntanan aki tin hopi motibu ku por ta kousante di nan. Unu ku mi ta keda
para ariba ta e parti di balorashon di nos hendenan i atenshon pa ku nan desaroyo
personal.

Nos no ta inbertí den nos hendenan pa nan por desaroyá nan mes i asina haña mas
satisfakshon den nan trabou.

Pa nos bai bek riba SERVISIO nos mester sa ku tur kos ta kuminsá i kaba ku duna na
bo kliente un bon servisio p’esei e area di enfoke pa start un aña nobo mester ta duna
bo trahadónan un training di kambio di Mindset i un training kon pa duna bon servisio.
E motibu ku mester pasa dor di un Mindset training ta paso nos mester trata na kambia
nos mentalidat, nos manera di pensa i aktua pa nos ta habri pa risibí kosnan nobo.

Nos mester komprendé ku nos mester SIRBI e hende ku ta bini serka nos pa nos produkto/servisio i no kere ku ta e hende mester di nos.
Nos mester tin un mentalidat ku nos mester hiba nos “performance” na un nivel mas haltu. Nos trahadónan mester sinti nan mes “committed”
ku nan trabou. Nos mester tin amor pa e trabou ku nos ta ehersé. Nos mester kuminsá hisa produktividat, nos mester ta motivá pa duna servisio
i servisio di kalidat haltu i nos mester kuminsá apresiá nos trabou.

Nos ta un isla ku ta dependé hopi riba nos abilidat pa duna BON SERVISIO.

Tur dia e konsumidó ta bira mas i mas konsiente ku e ke haña balor pa e su sèn i pa evitá ku nan ta stòp di drenta bo negoshi i ta bai serka
bo kontrinkante prepará bo trahadónan pa nan ta konsiente di e balor di nan trabou i ku dunamentu di servisio ta primordial.

Kòrda ku un trahadó bon ekipá ta un trahadó ku ta bai e èkstra mile ei pa bo i bo por ta sigur ku bo empresa lo �loresé.

Pa bo trahadó sigui ta motivá bo MESTER inbertí den bo personal. Maske ta 2 biaha pa aña laga nan bai un training. Traha riba un plan di
maneho pa ku training di bo personal.

“Give it a try” i kuminsá bo aña nobo ku trahadónan
SUPER MOTIVA.

Pa mas detaye relashoná ku e tema aki
tuma kontakto ku nos sin kompromiso. Por
pidi tambe GRATIS un kopia di nos rapòrt
‘E tòp 5 erornan mas kostoso di ‘Modern
Human Resource Leadership’. E-mail: info@
kibrahacha-hr.com. Bishitá Facebook/
Kibrahacha HR. Like nos page i share nos
postnan. Pa un sita yama nos na 767-0907,
512-9351 òf 696-8159.