Page 11 - MIN JUS

MIN JUS
http://masnoticia.com/kustwacht-ta-detene-nuebe-ilegal-na-aruba-y-un-tas-cu-droga-aden/

Kustwacht ta detene nuebe ilegal na Aruba y un
tas cu droga aden

• Jan 14th, 2015
• Local

Kustwacht di e area di Caribe (KWCARIB), conhuntamente cu Cuerpo Policial di Aruba, durante patruya
riba e anochi di dia 13 di januari, a detene nuebe ilegal. Fuera di esey a bin haya un cantidad di droga
riba nan.Den oranan di madruga, den careda di 1’or, Kustwacht a detecta un grupo di hende cu tabata
actua sospechoso, den e area di Rodgers Beach y Santana di Cacho. A bin resulta den un investigacion,
cu e personanan aki a yega Aruba den un manera ilegal. Cuatro persona a wordo deteni relaciona cu
esaki.
Polis tambe a wordo alarma directamente y por a detene den e area cuatro persona mas. Despues den
kibra di mainta, un persona mas a wordo deteni pa Kustwacht. Tambe un tas a wordo haya cu droga
aden. E ilegalnan y e droga a wordo pasa den man di polis, cu lo bay haci un investigacion.
Abo tambe por duna un man si mira cu algo ta fo’i sla. Kustwacht ta alcansabel via number di alarma
913, 24 ora pa dia y 7 dia pa siman. E number ta gratis.