Page 14 - MIN JUS

AWEMainta Diahuebs, 15 Januari 2015 9

Guardacosta
ta detene 9 ilegal

Tin persona ta sigui trata di drenta Aruba ilegalmente

AYERA madruga, Guardacosta, durante nan patruye na e.o.

Seroe Colorado, en especial banda di Colony, a constata cu tin
algun persona ta purba di drenta Aruba ilegalmente.
Guardacosta tabata riba un alerta ora cu a detecta algun persona
ilegal banda di e kapel na Seroe Colorado.
Den un cooperacion cu Cuerpo Policial, Guarda Costa por detene
primeramente 4 ilegal den e area di Rodgers Beach y e santana
di cacho na Aruba. Tambe a encontra un cantidad no specifica di
droga riba e personanan aki.
Despues di a hiba e personanan aki pa Warda di Polis na San
Nicolas, e patruye policial a bolbe den Colony unda a banda di e
kapel atrobe, a gara otro 4 ilegal mas. Nan tambe a keda deteni y
hiba Warda di Polis.

Mas laat mainta Guarda Costa a aresta 1 persona mas. Tambe a
haya un tas conteniendo droga. E ultimo persona aki tambe a keda
hiba warda di polis pa mas investigacion.
Di e forma aki, tin actualmente 9 persona cu ta indocumenta, y
kier a drenta Aruba pa keda aki pa traha. For di e interrogacion
cu a sigui, lo por saca afo, ta kende na Aruba ta cla pa sostene e
grupo di 9 ilegal aki, pa duna nan e.o. trabao.
Guarda Costa ta haci un yamada na tur hende cu por nota cualquier
movecion straño pa meld esaki na e number di alarma 913 cu ta
disponibel 24 ora pa dia y 7 dia pa siman.

Bisicleta a cria pia
na cas na Noord

POLIS a bay diamars 08.58, na un apartamento na Noord,

naunda a haya bishita di ladron. Eynan e muhe P.C. ta bisa cu
dos bisicleta di hende homber a wordo horta. pa un ladron. Na e
sitio,Polis a papia cu e muhe P.C. kende ta bisa cu desconocinan a
bay cu dos bisicleta. Polis a tuma e keho.