Page 13 - MIN JUS

http://masnoticia.com/fada-ta-lansa-e-campana-carrousel-durante-temporada-di-carnaval-2015/

FADA ta lansa e campaña carrousel durante
temporada di carnaval 2015

• Jan 14th, 2015
• Local

E instancianan manera FADA, Telefon pa Hubentud, Seccion di Malesa Contagioso di Salubridad
Publico, Reclasering, JZP y Wit Gele Kruis a bini hunto pa lansa e campaña pa temporada di carnaval
2015.

Di parti di FADA, sra. Sobella Solognier a hiba palabra pa duna mas detaye di e campaña aki cu ta
consisti di un carrousel pa schoolnan secundario specialmente 1de y 2de klas.

E tema di e carrousel ta trata consumo di alcohol of ta bao di influencia y su consecuencianan manera
embaraso hubenil, malesanan contagioso, actonan cu lo bo por drenta den contacto cu polis y peer
pressure. Nan ta bay bini cu material (un bril) cu ta simula ta bao influencia di alcohol y cu esaki lo tin
actividad cu e alumnonan pa mustranan con nan ta comporta ora nan ta bao influencia di alcohol. Tin
mucha cu ainda no a uza alcohol nunca, y nan ta bay sinti kico esey ta.

Nan a haci test cerca dos grupo, entre otro, Grupo di Scout Casibari y el a bay bon y reaccionnan tabata
hopi positivo, aunke hopi di nan nunca a uza bibida alcoholico ainda.

Awor mester enfoca riba muchanan cu si a tuma alcohol caba, cu ta un reto grandi cu nan tin durante e
actividadnan, aunke no por laganan pasa den e simulacion pasobra posiblemente nan a haya e gevoel
ey caba. Pero si lo graba nan y mustranan con nan ta comporta nan mes pasobra tin biaha nan ta kere
cu nan a comporta bon pero esey no ta e caso, sra.Solognier mas aleu a trese dilanti.

Tin diferente grado ora un hoben ta bou influencia. E brilnan special lo laga e hoben sinti kico e efecto di
ta bou di influencia di alcohol. Sobella Solgnier di FADA a splica cu semper ta bon pa e hoben sinti kico
ta e efecto ora e ta bou influencia di alcohol. Tin e prome y di dos klas di scol secundario cu a mustra
interes y nan lo bay duna splicacion. Tur scol secundario a haya invitacion.
Nan lo bay hasi uzo di 3 diferente bril pa mustra diferente grado di ta bou di influencia. For di ta un tiki
bou di influencia te na e nivel cu bo ta completamente bou di influencia y ta casi den coma.
Tur esaki ta pa mustra e hoben con su comportacion ta cambia ora e ta bou di influencia di alcohol.