Page 13 - WieEkIs Erin Nel

Voorwoord

Deur Dr. Francois Engelbrecht, Powerhouse International.
Internasionale spreker en skrywer van “Ontsluit jou
potensiaal”

Ek sit by ‘n baie suksesvolle sakeman. Hy het die briljantste
besigheidsidee wat hy reeds begin bemark het. Massas mense
het eintlik hierdie produk dringend nodig. Maar daar is net nie
genoeg bestellings nie. Sy banksaldo is so laag dat daar nie eers
genoeg oor is om die maand se lone te betaal nie.

Breek die golwe van die see van die lewe ook stormagtig
rondom jou? Het jy al getwyfel in jouself en gewonder of jy bo
gaan uitkom? Of het jy wonderlike drome wat jy so graag wil
sien waar word? Dan is hierdie boek beslis vir jou geskryf.

Terwyl sy lekker met jou kuier, raak Erin aan die sin van jou
bestaan. Jy word ingetrek in hierdie storie van die lewe en voor
jy jou kom kry, wil jy nie die boek neersit nie. Alles is so aktueel,
dat dit voel asof sy besig is met die storie van jou lewe.

Om geluk, vervulling en oorvloed te kan beleef, is dit
noodsaaklik dat jy sal weet presies wie jy is. Ook hoekom jy
vandag op planeet aarde is. In “Wie ek is” fokus Erin op die
regte verstaan van jou identiteit. Sy deurbreek die klein
perspektiewe van ons verstaan, deur dit teen die agtergrond
van God se onmeetbare groot planne vir ons lewens te plaas.
God se planne vir ons lewens is goed en positief – vol hoop en

8