Page 28 - Remembrance in Emotion Book Cover Photo Poetry Book Example_Neat

Ongeskonde

In die oggend-stilte, kom lê die mooiheid van die lewe teen my sawwe lyf.
Nog ñ nag gespaar, nog ñ dag gegee. Dankie my Vader.
Ek word nog nie neergelê nie.

En ek juig dankbaar in die wete ek is nie vergete.
Maar ek sit met die wete wat werklik aangaan daar buite in dié wêreld.
Oorlog hier in die hede. Dit duur nou al jare, sonder ophou.
My lewe ontvou.

God sien asseblief die donker raak. U sien deur elke kraak.
Ons kort U genade, ons kort U hulp. Here Jesus vat weg die donker.
Hierdie gat raak al hoe dieper hier op aarde.
Net U wonderwerke kan ons red.
Red uit hierdie oneindige donker net.

Ek wonder elke dag, hoekom word ek gespaar.
'n Duidelike stem kom deur;
My liewe kind jou lewens horlosie het nog tyd op.
Jy het nog baie om te doen en te leer.
Die tyd het nog nie gestop nie.
Dit is tyd om te werk.

Ongeskonde loop ek deur. My hart oopgeskeur.
Onherroeplik skreeu ek vir lig om in te tree.
Ek glo vas, ek sal aanhou hoop.
Hoop om donkerte met lig te oorwin.

Hierdie oorlog gaan ek aanhou veg.

Al is dit net as wat van my oorbly.
Diep binne weet ek dit is reg.

L.L.