Page 29 - Remembrance in Emotion Book Cover Photo Poetry Book Example_Neat
P. 29
Onlangse dood van my Siel..
As bron van my eie skadu, lees en woord en tas ek weer af.
Dié stukkies stemme, waar ons mekaar nog ‘n asem spaar.
Weeg ek elke vertaling van joú pyn en my eie.
Hier in my murg waar als onthoubaar eensgesind was.
(tot voor die onlangse dood van my siel)
Maar ek wil hê jy moet weet,
dat my vuiste lankal nie meer gebal of roggelend soos ‘n troebel snik,
En ek teenoor jou staan nie.
Dat daar êrens tóg iets vloeibaar in die medeweet van afstand lê.
Iets konkreet soos ‘n bedoelde en onuithoudbare traan..
En nee, dit maak eerlikwaar nie meer saak nie!
Nie dat ons mekaar verdroom en in ‘n reissak gepak het nie.
En nié dat die gewig te swaar was vir ons tweedanse harte nie.
Net dit, dat ons iets kleins sal saamneem van mekaar, al bly ons dan vlugt’linge.
En al blý ons ‘n knop-in-die-keel van elke vers of venynige afwesigheid.
(soos met die onlangse dood van my siel)
En net dit, dat ons die teenstand stil sal maak in dae wat kom..
En dat ons mekaar weer sal vind al is dit dan nét in die eenvoudige omhaal van ‘n woord..
L.L.
