Page 17 - Turu Pinompod

17 Timbaba’on Koduo
nopo boros do Bana om amu no tumaan ot tinan soira au kaakan sid kasagangan,
mantad dii oporolu no tomod do mogihum akakanon. Mumbal no dii lumungui ii
tinan di Ogi, miagal au no di kabaru. Tigog kh om mantad sodu po okito no dau
do haro koridai poinggupu. ‘Haro no akanon ku’ kah di Ogi dot otomon miampai
otuyuan linumaang minsomok.
Nga soira do maan no dii di Ogi dara tonduso nga miagal au katama topu-
rimanan dau tu modos nogi ot langad yo kumaa di Sarin. Tumalang nogi kaagu it
ngingis da Sarin. Sundung pia ri nga insamakai nopo dii Ogi kah om noilaan di dau

dot au no kabaru it koridai tu winitilon no tomod.
Miagal suhu-suhuon ii dot minogihum ii Ogi do waig om kokotuan dot ipaakan
dit koridai. It tinan di Ogi nga dumarakan dii do lumungui kah nga ginumoos nopo.
Gisom nakaakan ii koridai om minitom nokitanan di Ogi.
“Siou Sarin, au oku kouli. Muhang oku dika.” nokolombus po di Ogi ri pogulu
nahadan.
Sid saau dot tawan it poimponu do korimbutuon. Poinsirot kaaka ii Tirang
miampai mogogoritik sid kabang dit liligahon.
“Otopot no kah it koutuson nu dii, Rang?” Minongudio kagu ii Dina, sawo dau
montok timpu koopodomturu.
“Oo, otopot no ri, nung haro nopo piupusan diolo nga kopiiso ii.” kah nogi

kagu di Tirang do suminimbar id timpu koopodomturu ii.
Tongus tatamis nga au opurimanan, sodoi it tumuo nga au oirasaan. Miduat
om misimbar yolo sid suang dit lamin dii miampai tumangkangau. Modrosi do au
nokoonong it koutuson.
Sid tanga talun, opurimanan di Ogi kah do miagal nokouli no yalo id nontodon
miampai poingodop id tionon tolomok. Asanangan nogi topurimanan di Ogi. It tulu
dau nga ginumaan no, ii witil dau nga natagak nodi.
“Ogi, noposik kono, hmm?” kokusum ii Ogi tu gisom timpu dii nga kosorou pa
yalo di Sarin gisom korongou di dolou disio.

“Ogi, noposik kono, hmm?” insan po kaagu, nga kaakal po ii Ogi do poingku-
sum. ‘Muhang oku tomod di Sarin gisom orongou ku dolou dau’ kah nogi di ogi sid
suang ginawo. Nga osuaian dii yalo tu haro momuyai di tobuk dau.
“Ogi, noposik kono, hmm?” Umbal di kaaka ii Ogi do mingkalat om kokito dau
do pointuku ii Sarin mintong dau miampai muyai-puyai dit tobuk dau. Poingodop
bala ii Ogi sid poho di Sarin ri.
“Sarin?” au otumbayaan ii Ogi.
“Oo, yoho ti.” om kama’o di Ogi it turos nga otopot. Ogom no ii Ogi om igitai
longon do Sarin. Pomurinait nogi, mangakalu nung haro rogon do sinumiliu.
“Ogi, yoho ti, kopio.”
“Mantad baino, songgo ko nopo hiri oku no. Ika no ulion ku.” kah kagu di Sa-

rin pinopoilo.
Nokotongong ii Ogi.
Poinsirot turos di Sarin.
Mato
Todung
Munong
Tokobuk.
Om pongingis no ii Sarin, ngingis di otutunan tomod di Ogi. Oilaan no dii di