Page 16 - Turu Pinompod

Hiis om Tangon 16

kokitanan om baino nopo sokiro ong katanud di pibatasan nga nadadi no

yalo dot tontok tinan di Sarin.
“Orongouku okon ko tulun sandad ko siti. Tapot kah ti?” Minongodu-
at ii Tirang miampai loyuk it olumbatos.
“Oho, topot iri.” Kah nogi di Ogi do minangakun.
“Yoku nopo nga au kopio orohian dot tulun labus, ino pama tu kosiliu
dot monongiwan ku. Mantad dii, muli kopo sid nontodon nu om gumuli ko
nogi siti pogulu ogonop tadau koturu. Nung au ko nopo korikot om aiso no
tarati di batos ti piboian baino.”
“Oo.” Sinimbar di Ogi miampai dolou tokodo. Osorou dii dau do sinodu

di nontodon doo nopo mantada kinoyonon dii nga turu tadau mamanau.
Nung mongoi om muli nga oporolu solinaid opodomapat tadau. Nga turu
tadau no timpu it nitahak. Aiso nogi di pinompod it pokiuhupan di Ogi do
baino.
Ingkakat no dii ii Tirang miampai ii suai po om minuli. Songulun po ii
Ogi poingogom siri do momusorou.
Kopisok no di sinikit dit tapui koiso. Kakal po ii Ogi do poingogom.
Kopisok no di sinikit dit tapui koduo. Kakal po ii Ogi do poingogom.
Kopisok no di sinikit dit tapui kotolu. Nokoingkusui no ii Ogi.
Kopisok no di sinikit dit tapui kaapat. Kakal po ii Ogi mingkusui.
Kopisok no di sinikit dit tapui kolimo. Sinumirot ii Ogi sid walai tagayo

do om kokito no dau ii Sarin it poingintong dau sid saau binabang dot tulan.
Rinumalad kagu it lansan di Ogi montok dumadi tontok tinan di Sarin, mu-
hang kopio ii Ogi. Kakal po yalo misirot miagal kiwaa pibabarasan it aralom
tomod gisom au kokirop. Pogulu minamau ii Sarin sumuang om patayango no
ngingis dit o’omis tomod gisom nakawaya ii Ogi nokongingis.
Tigog kah om kosorou dii di Ogi ot iso gama montok manalib di pokion-
uon dohuri di Tirang.
“Nung mamanau oku dot sodoi om tadau nga abagal ii timpu di mon-
tok mongoi om muli. Turu tadau poimponu.”

Kopisok no di sinikit dit tapui dohuri. Nokoingkakat no ii Ogi do mon-
impuun mamanau miampai kosorou-sorou di ngingis di Sarin.
Pamanau no kah ii Ogi.
Rumuhuk.
Tumakad.
Mugus.
Sumulok.
Naawi tadau koiso.
Sumulok.
Mugus.
Tumakad.

Rumuhuk.
Naawi tadau koduo.
Kakal po dot poimpanau ii Ogi miampai morou-sorou dit ngingis di Sa-
rin. Sundung pia ri nga nasagang no dii tolu tadau ii Ogi do au nakaakan. Ii