Page 11 - Turu Pinompod

11 Timbaba’on Koduo

koburuon tosonong.

Pomusorou no di kaaka ii Ogi kaagu. Gisom mumbal no dii it tawan dot
tumuwong. Andaman no kaagu di Ogi it lansan dau montok mananganu di
Sarin. Mantad dii, winundus no dau ot iso pinompod it poingopi sid kantung
tokodok id tawak. Pomurinait no dii.
“Taki-odu, it nokouli om amu po nokouli, it songirikau toi it songingkakat,
pooloso oku dah, pokitono oku dah, uhupai oku dah, dit tongo sundu tinung-
kusan daton. Insan no amu indua’an. Pomogunan koiso om pomogunan koduo
pointalango it ponguhupan nu.” Nopupusan nopo ii rinait om nokopomuhobo
induo, korongou no dii it tolingo dii Ogi dot kuriyab kawo tombolog om sirot

nga oitom nopo ot tongo tombolog mantad sid kosilaon do minsomok sid bu-
rungan dau. Tinabaan ngai it tongo kanjapan gisom naalum it tongo paka gama
do ogumu tomod ot tombolog it nokorikot monguhup. Potungkabang nopo ii
Ogi kokito miampai toirasaan it ohigak om ounsikou kumaa todu-aki dau. In-
san po kagu, nakatalib ii Ogi dit taang pongumbalan koduo.
Nokotonob om nokousit no it tadau kaagu. Norikot no tadau kotolu.
Miagal tadau-tadau nakatalib, ginayad yaalo sid iso kinoyonon montok pap-
anau pongumbalan taang kotolu. Mantad di ginumu tanak wagu konihab, ki-
waa piipiro po it nakatalib miagal ko ii Ogi.
“Baino nopo nga monginduas kou dit burungan it minangai dagai poton-
tuo.” Kah dit inan-inan pogulu pinitotongkiad toinsanai tanak wagu mongoi

sid burungan.
Ondos nopo di Ogi do it burungan maan induasai nopo nga tongo kapa-
kaan no toi ko kayu-kayu tokoro. Maai mala ri nga tongo kayu it au agapus
gama do kagayo. Linaab di burungan nopo nga opintanga po kagu mantad lin-
aab dit burungan pongumbalan taang koduo. Agayo tomod!
Sundung pia miagal ri nga minumbal ii Ogi do tumimpuun managad di
kayu momoguno di dangol it piowit-owit. Miningkakat no kaka yalo id disan
sabaagi kotimpuunon.
Tibas koiso.

Tibas koduo.
Tibas kotolu.
Tibasa koapat.
Mumbal no dii do amu tumogu it kayu tu norikot no it lugu. Sundung pia
ri nga potilombuson nopo dau monibas. Tadau nga nokoturidong no sid tim-
purulu, au po nopintanga di Ogi it sompuun di dot monibas. Opupusan nogi it
pongumbalan soira kouni it puwok.
Undorong no kaaka ii Ogi do minogom sid iso watang it poinlabpai sid
disan burungan dau. Momusorou nogi yalo do gama monginduas tongo kopuu-
nan dii. Nung sompuun nopo ngan manganu timpu sangadau, iti po atus labaan
puun. Oporolu do tolu tulan om opongo.

Pointongong nogi ii Ogi kah do momusorou.
Mumbal no di tawan do rumagang, om agaran no ii Ogi tu koilo poing-
kuro tumalib di pongumbalan dii. Kosorou po di yalo di lansan dau montok
dumadi tontok tinan di Sarin om pongowundus no do iso pinompod it poingopi