Page 9 - Turu Pinompod

9 Timbaba’on Koduo

“Kopisanangan, yoku ii Sarin. Konsikou tu nokotounda.”

Nopupusan di Sarin mimboros om haro no pamangkis, simbar nogi ii suai
po om songsimbar-simbar po yolo do mamangkis. Ii Ogi nopo nga kakal po naka-
dada sabab au po nokoumbal yalo kokito tondu it olumis tomod miagal ii Sarin.
Pomogintong dit olomok miampai dolou it olinuud.
‘Odu, sorou ku, siti no ot kopupusan panau ku solinaid turu tadau dii.’
kah di Ogi id saralom ginawo miampai lansan tagayo dot kasanganu dit Sarin.
Amu laid om haro no dii songulun inan-inan it minangagayad di toinsa-
nai tanak wagu sid iso karantaian montok monimpuun do pongumbalan taang
koiso. Soira nokorikot yaalo sid kinarantaian dii, kokito no yaalo do wagas

songpurak nopo it nokopiagum dit tongo katanaan, togis.
“Onuon dikoyu ilo pataan udi om suangan dikoo dilo wagas nga kada do
kiwaro togis kaagum nokuro ong samparang ii.” Kah di inan-inan baino momisu-
nud om miningkakat sid disan soira nopupusan.
Tumimpuun no di kaaka it toinsanai tanak wagu do momurut di wagas.
Haro nogi it poingingis tu au apagon topurimanan. Ii Ogi nga minumbal nogi,
puruto no dau it wagas sasamparang. Aso po katanud dot tana om togis dit
timpuunon, laid nopo dii nga haro di katanud om pontutugon dii kaagu it suang
di pataan montok manantag di togis om tumimpuun no dii kagu do momurut.
Tadau nga mumbal no di tumuo nga aiso po suang di pataan di Ogi. Haro
ii kisusundu om nakaanu no momonu dit pataan. Haro nogi it noko uli no tu

au katama. Gumoos nogi ii Ogi sundung pia dot titingkod no nga sabap agayo
kopio lansan dau dot kasanganu di Sarin om tumilombus po dii.
Rumagang no di tawan, mumbal no di dot tumamis.
“Monguni nopo ot puwok om opupusan no it pongumbalan diti.” kah
kawagu dit inan-inan do popoondom. Timpu dii nopo nga au po orikot dot
tangasodoi.