Page 8 - Turu Pinompod

Hiis om Tangon 8

dau. Alaid om nokondom nogi ii Ogi do mogihum ionon modop om nogi panga-

kanan.
Kotonob nodi tadau.
Kousit nodi tadau om kotonob nodi. Nopupusan tadau koiso kounda-
rangan dii Ogi nga au po noilaan dau bang isai ii Tirang om isai nogi tanak
tondu dau.
Kousit nodi tadau om kotonob nodi miampai minongowit do lasu nalanan
do tongus tatamis. Nokoilo nodi ii Ogi do isai ii Tirang om isai nogi ii tanak
tondu dau. Nopupusan tadau koduo koundarangan di Ogi.
Kousit nodi tadau miampai gangau dot tongo manuk moingkuku’uk. No-

tungag ngawi tongo tangaanak om songkulampag nopo dot managkus sid tanah
miagal dit tadau-tadau nakatalib, mindakod soira lohowon toi ko orikatan no
timpu pangakanan.
Tinumounda no ii Ogi dot mooi sid ionon mumpug montok piboian it
noroitan sid kopoilaan duo tadau nakatalib. Sid piumpugan dii haro no sogi-
numu duonohopod tanak wagu di nokotindohoi.
Haro it poinsigar, haro nogi masa’an do dangol tagayo, haro nogi it nolo-
pot do rasuk it sompipi oitom. Ogugumu no tomod kowowoyoon it tokito di
Ogi.
Sid doros piumpugan dii, haro iso singkag it kotopong do tawak. Sid bogil
do wanan haro iso walai tagayo, oligang om apapag. Sid bogil do gibang haro

kukurungan dot tongo tayam miagal ko wogok, karabau, kalasiu, kambing om
manuk. It oinsalatan nopo nga linaab kinogogomon do parai songsilou it au awi
rilikan do tabang insan agamai.
Topot nogi it toilaan naanu di Ogi kokomoi di Tirang it kiwawaro om
osundu po. Boros nopo dit tulun it pinopoilo dau montok toilaan dii nga nok-
oumbal ii taki di Tirang do minamatai do sundu taraat gisom nakaanu iso su-
rupu montok turu misukod.
Amu laid om nokotingkod it tagangau soira ginumiang it lingobon tagayo
mantad suang sid bogil wanan. Usilomod do linumaang songulun kusai it aba-

sag kokitanan miampai pomogintong it olinuud nga poimponu dot kotoundaan
sokikiro nung haro koligaganan do rumikot. Sid solot, moput-oput songulun
tondu it kisorumbung kumut taragang. Muku-tuku.
Sinumingkag yolo sid singkag it winonsoi sid doros dit piumpugan. Kakal
po dot pointuku it tondu sid wanan di kusai it poingogom no miampai mongi-
mot toinsanai tanak wagu it nokotounda. Soro iso-iso.
Oilaan no doilo ngawi dot it tanak tondu nopo it kinomoi sid kopoilaan
dii nopo nga it tondu kisorumbung taragang sid doros.
“Konsikou kumaa toinsanai tanak wagu dit nokotounda, oilaan ku
nokorikot kou siti sabab kiwaa kabaalan pointantu dikoyu. Mantad dii, pi-
boian diti nopo nga kiwaa onom taang. Isai nopo it katalib dit taang-taang dii

kaanu dumadi dot tontok tinan diti tanak ku miampai kosiliu popolombus do
paganakan dahai.” nopupusan nopo it kusai it nointutunan sabaagi ii Tirang
mimboros. Linumaang no ii tanak tondu do dumoros miampai minongidu dit
sorumbung.