Page 5 - Turu Pinompod

5 Timbaba’on Koduo

Tangon
Turu Pinompod

Sid tanga’ talun takapal, haro iso sulap it bu’ubulun. Sid sulap dii
poingion ii Ogi om i odu dau, ii Bana. Ngoduo molohing dii Ogi nopo tia dii au
po koondom ii Ogi. Kapapatai nopo kah di tapa’ om tama’ dau nga nootungan
dot gapu tagayo.
Baino, nosukod no di ii Ogi. Norikot no timpu do pamanaan minsorili do

konopoun om koburulan montok mogihum kaanalan sabaagi kusai. Nasagang
tadau kotolu mantad tadau kinogonopon umul opodomturu di Ogi, osopung
po do tinumounda yalo do mamanau. Nga pogulu rinumuuk ii Ogi do monim-
puun pamanahan, minanaak po ii Bana do turu’ pinompod it nolopot do kung-
kung koridai.
“Soira kotoguang ko dot koligaganan, onuon iso pinompod diti om mo-
mirunait no, haro no ri rumikot monguhup. Nga monikid pinompod diti insan
no milo gunoon.”
“Oho.” Kah di Ogi tumilombus manahak tabi pitongkiadan om osulimod
do mamanau tumoronong sid kotonobon. Amu oilaan di Ogi nung kakal po ii