Page 10 - Turu Pinompod

Hiis om Tangon 10

Gumogor no dii ot opurimanan di Ogi tu aiso po suang dit pataan. Sigog

kah om nokoondom yalo dit turu pinompod it nitaak di Bana. Posoliuwano do
songinan om umbal-umbal dau momirunait.
“Taki-odu, it nokouli om amu po nokouli, it songirikau toi it songing-
kakat, pooloso oku dah, pokitono oku dah, uhupai oku dah, dit tongo sundu
tinungkusan daton. Insan no amu indua’an. Pomogunan koiso om pomogunan
koduo pointalango it ponguhupan nu.” Naawi rinait di om nokomuhobo tin-
duo, kokito no di ii mato di Ogi dot oitom nopo it tana mantad sid kosilaon
tumoronong sid ningkokoton dau.
Ogumu kilau sodoi it rinumikot om minonguhup no dii di Ogi dot momuhu

dit tongo wagas au kaampai tongo togis toi ko tanah do minangarampanai dit
pataan. Pointongong ii Ogi do notigagan.
Mantad dii, nakatalib ii Ogi di pongumbalan koiso. Tadau suab nopo nga
haro kagu pongumbalan suai. Om panau no ii Ogi muli miampai toirasaan it ohi-
gak tomod om monginsikou kumaa sundu om ponguhupan mantad todu-aki.
Norikot no di tadau koduo sid taang pongumbalan koduo ii. Miagal di
koniab, minumpug po yalo sid uumpugon pogulu ginayad do songulun inan-inan
kumaa iyonon dit pongumbalan. Nga tadau nopo dii nga nokokuri tanak wagu
it nokotindohoi tu haro it au nakatalib sid pongumbalan taang koiso.
Ionon di pongumbalan koduo nopo nga sid iso gana talaab. Pinitotong-
kiad it toinsanai tanak wagu maya burungan kondii. Monikid burungan di sogi-

nayo sontiin ot katanaman do parai.
Pogulu pinototongkiad yaalo, nokoboros it inan-inan dii dot taang
pongumbalan dii nopo nga papatagak ngawi kanjapan it poingion sid gana bu-
rungan sondii. Miagal it tadau nakatalib, opupusan pongumbalan dii soira kou-
ni no it puwok. Insan po kagu, mumbal no dii ii Ogi momunso di tongo kanjapan
montok papatagak dilo miampai rokopon om pisakon soro iso-iso.
Miningkakat ni kah ii Ogi id disan wanan sabaagi kotimpuunan. Om;
Iso, pisakon.
Duo, tapapon.

Tolu, pisoson.
Apat, lopison.
Miagal ii dii gisom norikot tangaadau, nga au po kalaang-laang ii Ogi tu
amu milo awi it kanjapan sid kinoingkakaton dau. Mumbal no dii do lumupuw
it kayab di Ogi tu nadalaan do mintapap mangarakop.
Amu laid ri do tinumongong ii Ogi momusorou gama montok tumalib dit
taang dii. Maan dah di Ogi gunoo it pinompod nga osorou dau it pason do gu-
noon roromu dii soira oponsol no tomod. Mantad dii kopurimon ii Ogi do haro
po timpu montok momusorou gama. Kosorou dii kah ii Ogi dot maan tataso
ngai it tongo paka it poinsuni siri mooi do aiso no ongoyon dit tongo kanjapan
do tumubo. Om umbalai no di kaaka dau do manatas gisom sandangau po it

puun mantad id tana. Mintatas ii kaaka ii Ogi gisom do norikatan di tawan
rumagang. Siratai di Ogi it maan gooso mongorilik nga agayo po, ong kopio
no nga au awi pogulu kotonob ot tadau. Insan po kaagu tinumongong ii Ogi.
Nung itobon nopo nga haro no turunatus kanjapan it napatai dau nga aiso po