Page 15 - Turu Pinompod

15 Timbaba’on Koduo

Apalasan no dii ii Ogi tu miagal po tulun mulau do miukot-ukot sid kinoy-

onon dii. Ongoi no kagu ii Ogi do mogom sid timpak di pampang om tingaa no
mongilo timpu. Nakaragang no it tawan. Oduruk no tumuwong om tumantag
no bolobou do sosodopon.
Namot di mamanau di benoi, noguno no ngai dii Ogi it tongo kabaalan it
nokotuduk di Bana montok tumoguang do palid nga au kumasi. Mantad dii,
momusorou di kaaka ii Ogi do poingkuro muli sid pinonuan di inan-inan dii.
Kosorou no dii di Ogi dot mongidu dit minamalid dau siri miampai momo-
guno dit pinompod koonom it winundus mantad kantung it poinrilit id tawak.
Om pomurinait no;

“Osodu ulion, osodu nogi odopon. Oi u’ulion lohowo oku, tataso it mon-
gorilit lukapku, luido it mangantip do buludku. Taki-odu, it nokouli om amu
po nokouli, it songirikau toi it songingkakat, pooloso oku dah om pokitono
oku dah do sundu tinungkusan dii. Insan no amu indua’an. Pomogunan koiso
om pomogunan koduo pointalango it ponguhupan nu.” kopupusai nopo kah it
rinait om talib no tongus tatamis muli sid kotonobon mantad sid kosilaon.
Umbalai no kaagu di Ogi do mogihum panaon. Miagal ko it ‘pinokianu’
au no di yalo koguli sid kinogogomon di watu. Ounsikou no topurimanan di
Ogi. Timpu dii mumbal no ot tongo bolobou tumantag om lumimpotung sid
kapaladan do roon om tumuru sid tana. Oruhai no om orikot no kotuhuwan
di bolobou. Apajalang nogi di do mogigintong tu otuwong dii it minsorili. Au

kotolipuson it binabang dit tulan tu akapal tomod it tongo gouton do mon-
godolundung di katanaan. Iri nga kobolingkangan po kaagu di Ogi. Mogihum
paanaon nga apagon om au nogi kalangkas do mamanau.
Pogihum no diri kaaka ii Ogi do kinoyonon dit otitiwan tokuri di binabang
dot tulan. Ogom no yalo. Baino nopo nga oporolu tomod ii Ogi do binabang om
wayaan muli dit otopot tu nung ihumon nogi dit timpu dii nga au kalaga yalo
pogulu otuwan do bolobou.
Wunduso no di Ogi it pinompod dohuri om kakampis no di it kantung tu
naawi no ot suang. Ingkodom no miampai minomurinait;

“Osodu ulion, osodu nogi odopon. Oi u’ulion lohowo oku, babango it
ulakan diti lukapku, potunungo ulion ti buludku. Taki-odu, it nokouli om amu
po nokouli, it songirikau toi it songingkakat, pooloso oku dah om pokitono
oku dah do sundu tinungkusan dii. Insan no amu indua’an. Pomogunan koiso
om pomogunan koduo pointalango it ponguhupan nu.” kopupusai ri kah om
ingkalat ii Ogi miampai minongogonop do pinuobo koduo.
Miagal babang-babangon ii dot tadau mantad sid kosilaou dot rinotusan
toninipot dot linumaga. Okito ngai it asauan om sid gulu-dohuri-bogil gibang
om wanan. Nokokusum no ka ii Ogi dot ounsikou om otomon. Tanud no ii Ogi
dit pangagaydan dit toninipot miampai mabang-babang dit ulakan. Amu alaid
do manau-panau rumuhuk tu oubas no mamanau ii Ogi sid talun adi osisiau

ii. Korikot no dii ii Ogi sid pinongindadan. Kiwaa turunohopod ot sinikit dot
tapui nituridong mongindad korikatan di Ogi miampai ii Tirang, sawo dau om ii
Sarin poingogom do mongindad. Ogumu nogi tongoulun it minogintong.
Insomok no ii Ogi miampai au kalangkat mintong di Sarin tu olumis tomod