Page 13 - Turu Pinompod

13 Timbaba’on Koduo

pui nga oilaan ku alasu nogi ot tadau. Alasu nopo tadau om pisosorob tongo

rara’at kodupatan. Taki-odu, it nokouli om amu po nokouli, it songirikau toi
it songingkakat, pooloso oku dah om pokitono oku dah di linasu dii. Insan no
amu indua’an. Pomogunan koiso om pomogunan koduo pointalango it pon-
guhupan nu.” nopupusan no ri. Nokopuhobo taralom ii Ogi do induo om talib
no ot tongus, monilib tongo tawan it kotirung dit tadau. Timpuun no di kaaka
it tadau do linumasu mongolonot dit tongo puun.
Miagal po dot nokosubo sid tapui it inggopod kalasu ot opurimanan di
Ogi nga katanud dii pason om ponodtudukan di Bana, au kawasa mintulun-
gung iri.

Kokinsir it sangai sabat ponong sid kotonobon om kolonot no ngai it ton-
go puun, miagal po do puun-puun it notuwad no solinaid turu wulan. Nokokito
dii, ohigak om ounsikou no topurimanan di Ogi. Uli no yalo, ososopung mantad
tadau-tadau nakatalib.
Narayou nogi di inan-inan ii Ogi tu nokopogulu miampai ginumu dit gan-
got it aiso no kalayaan. Labaan ko abagal ot pintanganan do toun. Pogulu
minuli, sinumirot po ii Ogi sid liligaon walai tagayo dii. Kokito dau it tondu
do poingkakat om minogidu soiro nokopiintong yolo do mato. Otungayaman.
Mantad dii, gumayo nodi lansan dii Ogi do mananganu dit tondu dii.
Maang-laang ii Ogi muli miampagi opogot do monginsikou dit Bana tu mi-
nanahak dit pinompod, miagal nogi dino kumaa sid taki-odu it pinopoolos dot

kosunduan.
Kouli.
Kotonob tadau.
Koodop no.
Koposik no.
Kousit no tadau.
Om norikot tadau kolimo. Tadau dii nopo nga taang pongumbalan koli-
mo. It mongumbal dot kopogian. Nunu nopo gama it kaanu popointalang dot
kopogian. Maan nogi di Tirang intangai nung isai om isai no it kaanu katalib di

pongumbalan om kolombus sid taang pongumbalan dohuri.
Miagal nogi dit tadau-tadau nakatalib miampai momoguno di pinompod,
tuyu’o ngawi di Ogi it toinsanai mondou sid talun apat burul misuput om gaya-
do mooi muli do pointalang kumaa di Tirang. Miagal po do manangod it tongo
mondou di tongo tulun kawalaian. Ii nopo tanak wagu suai nga haro nakaanu
mongowit turu ot tulu dot kusai it tinagas. Haro nogi it poinsaan om poing-
gayat do buayo. Sundung pia ri nga ii Ogi no songulun it nakatalib di taang
pongumbalan tu nokoowit do turunatus-turunopod-omturu mondou.
Kouli.
Kotonob tadau.
Koodop no.

Koposik no.
Kousit no tadau.
Norikot no dii tadau dohuri do pongumbalan montok pogihuman tontok
tinan di kosudong kumaa di tanak tondu di Tirang, ii Sarin. Songulun po ii Ogi