Page 12 - Turu Pinompod

Hiis om Tangon 12

sid kantung it poirilit id tawak. Pomurinait no.

“Taki-odu, it nokouli om amu po nokouli, it songirikau toi it songingkakat,
pooloso oku dah, pokitono oku dah, uhupai oku dah, dit tongo sundu tinung-
kusan daton. Insan no amu indua’an. Pomogunan koiso om pomogunan koduo
pointalango it ponguhupan nu.” Kopupusai no it rinait om nokopomuhobo
induo. Aiso po nuunu it mumbal dot kolukan miagal ko tadau-tadau nakatalib.
Osuaian no di ii Ogi miampai mingkakat sumirot id kosilaon. Indadai ii di Ogi
nga aiso po koririkot gisom kotimpuun no it tongo tontirik do monguni.
“Au nopo kumasi ot pomorinait nga momurinait kaagu om maan sagan-
go.” Tigog kah om miagal waro dolou di Bana it mimboros sid suang tulu di Ogi.

Mikokorowolo po ii Ogi do mogihum kaakalu siri ii odu dau do poingintong.
Nga aiso ii.
Guli no kaaka ii Ogi do mogom miampai minomuhobo taralom pogulu do
momuronait. Sinagang nogi intolo.
“Taki-odu, it nokouli om…” - koiso.
“Taki-odu, it nokouli om…” - koduo.
“Taki-odu, it nokouli om…” - kasagangan.
Baino nopo, au po nakakalat ii Ogi om orongou no mukudaras mantad
kosilaon, kopurimon dii ii Ogi dot atamis. Om siratai nga miagal sobut-sobuton
ii it tongo puun do sumakat mantad tana tu antakan do tongus tologod. Insan
no talib om kalangga ngawi it tongo puun, songimbulai po it gamut dot naka-

waya.
Kokito dii, ohigak om ounsikou tomod ii Ogi nga u no di kopio otigagan
miagal ko it tinsan nogi.
Taang pongumbalan kotolu nga notoliban ii di Ogi om uli no.
Koodop om koposik nodi.
Miagal di tadau nakatalib, tumimpuun nodi tadau pongumbalan taang
koapat. Baino nopo nga au ginayad yalo mooi sisiongo. Sid ionon mumpug, mi-
nanahak ii inan-inan di do toilaan montok monolimpuun dit pongumbalan.
“Kopisanangan toinsanai tanak wagu it kakal po pointanud diti piboian

gisom tadau baino. Pongumbalan nopo tontok taang koapat nga manu oku do
mongumpug kou dot ogumu gangot it oguno gisom opintanga ot toun.” Nopu-
pusan nopo ponodsunudan dii om lukan no ngai it tongo tanak wagu miampai
nogi ii Ogi do mogihum dit pokionuon.
Oitob ii ginumu tanak wagu it nakatalib dit pongumbalan koiso gisom
kotolu. Haro po turu koyuwan. Toinsanai diolo nga haro kosunduan dit point-
antu. Baino nokosorou no ii Ogi nung poingkuro momonu dit pongumbalan.
Rikoto no dau it kinoyonon pongumbalan taang kotolu. Mumbal nogi do lu-
monot ngawi it tongo puun-puun. Momusorou dii ii Ogi nung poingkuro po-
lonot dit tongo puun-puun tu nung intangan ginumu dii labaan ko kabagal
montok pintangaan toun.

Au po nokoturidong it tadau sid timpurulu, pongowundus no ii ogi do
pinompod it poingopi sid kantung. Pogihum no di kogogomon it osonong om
pomurinait no;
“Alasu-lasu ot liningkasu, oilaan ku alasu nogi ot tapui, alasu nopo ot ta-