Page 7 - Turu Pinompod

7 Timbaba’on Koduo

di milo no mangarati do ponodtudukan) poimpasi sid talun nakaanu manahak

koilagan di Ogi mantad koligaganan it au otoguang dau. Haro dupot torompus
miagal ko tanansad nga asaapan ii. Haro ‘moniag’ mantad pomogunan koduo
nga milo ii Ogi do mimboros toi sumaap ii Ogi.
Lukap lumaang.
Tadau mamanau.
Burul oiduanan om orikatan.
Nuluh atakadan om oruukan.
Nogonop tadau koturu, sid tanga’adau. Poingkakat ii Ogi sid timpak do
burul, pointogguang do rahat. Osuaian no tomod yalo kokito di kinolimpotun-

gon do waig it alaab tomod miagal korikot gisom id disan pomogunan miampai
kiwaa talud-talud tokoro om tagayo do poinlantung tumoronong sid tindal
miagal po kilau it muli sid winalai.
Katanud ponodsunudan di Bana, orikot tadau koturu pamanahan. Mu-
ruh do mundorong tolu tadau sid kampung do tulun om tumilombus nogi kagu
nung titilombus po. Nung au nopo om kampung dii no ot korikatan di pamana-
han dii niatod dit turu tadau.
Au osodu mantad rahat, okito di Ogi ot kawalaian it nosorili dot parai-
parai tosilou. Nung panahon nopo do maan rikoto it kawalaian dii nga korikot
ii tia karagangan no do tawan.
“Kano,” kah di Ogi miampai monimpuun do rumuuk tumoronong sid un-

dorongon dau.
Topot, timpu kinaragangan di tawan om nakalaga nogi ii Ogi sid kawala-
ian dii. Haro piipiro tangaanak it mangkus-tangkus do migugusa miampai po-
ramboi-ramboi di roun paka. Ii nopo tongo tondu nga pongulian nogi mantad
bawang it au osodu mantad kinoyonon dii. Olimpuadan ii dot tuni linogod it
tolingo di Ogi.
Haro nogi piipiro tongo kusai it kiumul-umul no do sampi ogom-ogom
miampai mumbid-lumbid om minggat-inggat. Aragang nopo kokitanan it nipon
diolo. Kowowoyoo dii nopo nga kumoinsan nogi nokitanan di Ogi. Ayaaya to-

mod ginawo dau it nagayo sid timba’an miampai aiso tambalut.
Nopupusan di Ogi sumunsui it sunsuyan toniba tumupak kawayaan di
waig it mooi sid kaparaian. Kokito yalo do mumpug-umpug ot tongo kusai it
okitanan soumul dau. Om haro nogi iso kusai it lobi otuo’ miampai rasuk ta-
wasi. Ii Ogi nga mininsomok montok misingilo nunu it haro siri dii.
“Montok toilaan dikoyu toinsanai, it tongo tanak wagu sid kampung diti.
Noilaan tokou it tulan nakatalib nopo nga kinosukadan di tanak tondu di Ti-
rang. Mantad dii, kaanu ii Tirang do mogihum tontok tinan dit kosudong mon-
tok tanak tondu dau miampai pinapaharo do piboian kabaalan. Piboian diti
maan papanaho do duo tadau mantad baino. Alansan nogi ii Tirang do tuma-
nud it tongo tanak wagu it kopurimon do kosudong.” Naawi nopo mimboros

it kusai dii pamanau no. Amu no minokinongou do pongoduatan tu oilaan dau
dot otolinahas no tomod it kopolombusan dii.
Mias no ngawi it tongo tanak wagu do muli id nontodonon nga kakal po
ii Ogiu poingkakat siri tu oborulangan. Isai ii Tirang om isai nogi tanak tondu