Page 22 - WEB

Pa cada metodo tin un carbon footprint calcula, esey ta defini como e efecto ambiental
negativo. P.e. e carbon footprint pa incineracion t’esun di mas halto, 115.000 ton CO2 pa
cada 100 mil ton di desperdicio y e carbon footprint haciendo uzo di RDF como
combustibel secundario den un forno di cement (den exterior) t’esun di mas abou, 5.600
ton CO2 pa cada 100 mil ton di desperdicio.

Pues cualkier forma di separacion, reciclahe y procesamento di sushi den forma di
“bales” tin un carbon footprint mas bentahoso cu esun di kima desperdicio di cas den
instalacionnan di incinerator.

Haciendo un evaluacion di tur e datonan compila dor di ARCADIS, nan ta conclui cu e
uzo di RDF como combustibel t’esun cu ta “score” mihor pa loke ta carbon footprint,
pero tambe ta considera esun aki mihor den calidad, positivo y neutral pa medio
ambiente.

Incineracion di sushi a score riba diferente aspecto negativo, tambe aspecto financiero,
pasobra e gastonan lo ta hopi mas halto pa paga e inversion bek di 500 miyon florin den
20 aña di tempo.

E expertonan a base di esaki ta conclui cu den e comparacion di dato haci na Aruba,
reciclahe di desperdicio y uzo despues di e RDF cu keda liber, ta un mihor metodo cu
incineracion.

TOCANTE ARCADIS
Arcadis NV, un compania mundial di diseño, ingeneria y “management consulting” ta
funda na aña 1888 y tin su oficina principal na Zuidas, na Amsterdam, Hulanda. E ta
miembro di e Next 150 index.

E compania a cuminsa como Nederlandsche Heidemaatschappij y na aña 1997 a cambia
pa Arcadis. Awendia nan tin riba 350 oficina den 40 pais rond mundo.