Page 34 - HOSPITAAL

Expertonan mundialmente ta promove dunamento di pecho, pa su beneficionan tanto
pa e mama como pa e baby. E cantidad di tempo cu un mama ta logra di duna pecho,
no ta asina importante, pero e beneficionan ta tremendo.

Pa e baby lechi di mama ta e fuente di cuminda natural pa babynan menor di 1 aña. E
lechi tin un balansa natural y adecua di carbohidrato, proteina y vet. Esaki ta
proporciona proteina, mineral, vitamina y hormona cu e baby mester pa su desaroyo.
Loke ta mas importante ta cu lechi di mama ta contene anti-curpannan cu ta yuda evita

cu e baby bira malo.

Den siguiente edicionnan, DIARIO lo trece mas informacion relaciona cu trabao di
Fundacion Pro Lechi Mama y beneficionan di lactancia materno.

Pa mamanan of cualkier persona cu kier mas informacion riba lactancia materna por
acerca Fundacion Pro Lechi Mama y nan ta cla pa yuda 24 hora, 7 dia pa siman.