Page 36 - HOSPITAAL







Dr. Joaquin Van Trigt presidente di HAVA

ORANJESTAD (AAN): Tin un discusion andando, despues cu a pasa e ley den
parlamento na 2014, di hobennan studiante cu tin debe cu pais Aruba, cu ta pega y no
por keda cla pa traha como dokter na Aruba.

Dr. Joaquin van Trigt, presidente di Huisartsen Vereninging Aruba, ta amplia riba esaki.
Dr. Van Trigt ta forma parti di e comision cu a wordo lanta pa bin cu’n solucion pa e
studiantenan, e dokternan cu a studia den region cu aworaki no tin posibilidad pa
drenta den e registro Arubiano.

Locual cu Dr. van Trigt a scucha ultimo temponan, e ta haya cu falta un poco
informacion completo y tambe cu emocion cu ta hunga un rol , ta un factor di con ta

mira otro.

HAVA tambe ta di acuerdo cu ta fastioso cu tin un grupo grandi di studiantenan cu no
por eherce nan profesion na Aruba.

Parti di e problema ta cu e calidad di cuido ta e calidad halto cu ta exigi ora ta evalua
cierto estudionan den region, pero internacional. Aruba door cu e ta chikito, no tin e
habilidad ni experticio y den pasado a pidi Hulanda pa haci esaki pa nan. Y e grupo di

studiantenan aki, e docternan den region a studia na cierto universidadnan den region y
a pidi Hulanda pa evalua e diplomanan.