Page 37 - HOSPITAAL

Dr. van Trigt a sigui bisa cu Universidad di Costa Rica y cierto universidadnan di
Colombia, e rapportnan tabata tin cierto deficiencia, compara cu e estudio. Y loke ta
haci ta pone e curiculo banda di otro, y ta compara nan. Tabata mustra cu hopi di e
estudionan den region tabata tin cierto deficiencia. Nan no tabata grandi, pero pa por

cumpli cu e rekisitonan, Hulanda a conseha pa nan haci un trayecto cortico pa nan cera
e buraco den nan evaluacion.

Esey kiermen cu si e organo di acreditacion na Costa Rica bisa cu e universidad ta

acredita, esey kiermen cu e dokter por eherce na Aruba. Loke no sa ki nivel docternan
di region tin. Nan lo por traha, bou supervision, pa wak nan nivel.

A yega di tin evaluacion den hospital caminda un di nan a sali negativo completamente.

Esey kiermen cu lo implementa un docter deficiente, pero dr. van Tright ta kere cu lo
por habri clinicanan priva, trata pashent na cas, cu e AruBIG, y esaki lo no tin control
ariba nan.

Tin clinicanan caminda cu ta paga pa servicionan, cu docternan Latino. Pero segun dr.
van Trigt, esaki ta un situacion no controla. Pa situacionnan asina e funcion di Inspectie
der Gezondheid ta importante. Pero HAVA su advies lo ta negativo. Pero nan kier sigui
dialogo, nan no ta contra di e studiantenan den region, kier yudanan pa ta un docter

completo.

HAVA ta haya lastima cu e minister ta bisa di tin un consenso, cual no ta berdad. Y e
minister a dicidi di implementa e AruBIG, sin mas discusion. Pero e mester di e

docternan den e veld, pa por eherce e ley, segun dr. Joaquin van Trigt, presidente di
HAVA.

HAVA a acerca e studiantenan den region na 2013, unda a bisa nan cu ta ofrece nan e

posibilidad pa haci e evaluacion y pa purba na no completa e buraconan cu ta resta pa
ta un “volwaardige arts” y mescos cu tur otro docter cu a caba na Hulanda, wordo
registra den e BIG register. Esey ta duna e studiante e derecho pa practica e funcion,
no solamente na Aruba pero tambe na Europa y henter Union Europeo.

Locual cu dr. van Trigt ta haya lamentabel ta cu e BIG register ta wordo mira como algo
malo, pero e ta un garantia cu e studiante a pasa un estudio cu tin cierto nivel y cu ta
wordo acredita na un nivel halto internacionalmente.