Page 3 - MIN ECEM
P. 3
2 AWEMainta Diahuebs, 23 Maart 2017
Como cu InselAir no tin placa pa paga
Trahadornan a presenta ayera tardi pa wak
con Gobierno lo por soluciona nan problema
DIARAZON atardi empleadonan di InsalAir Aruba a acudi
na Bestuurskantoor pa reuni cu Minister Mike de Meza. Nan a
informa e mandatario cu nan tin 2 pa 3 luna sin por cobra nan
salario, mientras cu nan coleganan na Corsou si a cobra nan
salario y nan aki na Aruba no a wordo paga.
For di Corsou, e empleadonan di Aruba ta ser bisa, cu Gobierno
di Corsou a injecta placa pa yuda nan na Corsou, dunando di
compronde cu esnan di Aruba mester aserca Gobierno di Aruba
pa injecta fondo pa nan tambe, por paga nan.
Na Aruba, InselAir Aruba no tin entrada, si mira cu tur e avionan
registra na Aruba, no por bula y lo no por bula por lo pronto.
Manera tur cos ta indica, Huez a duna suspension di pago na
InselAir, pero tumando na cuenta cu no tin actividad, loke nifica
cu no por otro, cu InselAir Aruba lo wordo declara bancarota.
