Page 8 - MIN ECEM

24 AWEMainta Diahuebs, 23 Maart 2017

Rufo Wever, compositor y musico Arubano

RECIENTEMENTE, dia 17 di maart, 2017, un bunita tab-
leau a ser desvela riba Plaza Padu y aki tambe e escultura di Rufo
Wever (1917-1977), compositor y musico Arubano y e compositor
y poeta Hubert (Lio) Booi) tabata parti di dj’e.

E tres compositornan a traha cu otro na varios ocasion. Ademas cu
e tres compositornan rib’e tableau ta conecta como co-autornan di
e Himno di Aruba “Aruba Dushi Tera”, tambe nan a coopera den
varios otro composicionnan y proyectonan conoci.

Asina ta cu den añanan 50, Padu Lampe y Rufo Wever ta tin un
compania di graba disco “Padu records”, cu tabata situa na Wil-
helminastraat 33 (cas di Rufo) unda a graba un sin fin di composi-
cionnan, cual a ser documenta den un buki.

Tambe Rufo y Padu tur dos na cierto momentonan a haya les di
e conocido maestra di musica di Corsou, Shon Shishi Rodriguez
Timmer.
E inmortal calypso “Carnaval” di aña 1954 cu a bira famoso cu e
cantante Edwin Zichem, tambe ta di Rufo Wever cu Padu Lampe.

E tres compositornan a colabora tambe cu e tumba “Chanita” cu
musica di Rufo Wever y Padu Lampe y cu letra di Hubert Booi.
Otro composicion conoci unda e tres compositornan, Wever,
Lampe y Booi a colabora ta e composicion “Fiesta den Cura”.

Tambe Rufo Wever a documenta varios composicion di Padu
Lampe y tambe un composicion di Padu su tata “Metralla”, tur
cual ta disponibel pa maestronan y studiantenan di musica.