Page 6 - MIN ECEM

AWEMainta Diahuebs, 23 Maart 2017 13

Parlamentario Jeffrey Kelly:

Dia di Himno y Bandera

a percura pa yuda

diferente organisacion

y nos hendenan

DEN tur skina di nos isla, celebracion di Dia di
Himno y Bandera a tuma luga caminda a bolbe
resalta e union den henter pueblo caminda no sola-
mente nos pueblo a mustra su orguyo grandi pa su
isla, pero na mes momento a brinda oportunidad pa
nos propio hendenan probecha di oportunidad cu e
celebracion aki a trece cu ne.

Actividadnan
“For di diabierna atardi 17 di maart, diferente ac-
tividad a marca inicio di e gran celebracion nacional
aki, caminda entre otro a rindi homenahe na algun
figura grandi di Aruba su cultura, entre nan Padu
del Caribe, Rufo Wever y Hubert Booi, c’un mo-
mento cu a haya gran acogida y admiracion cerca
nos hendenan cu a keda sumamente contento cu e
monumento di reconocimento aki. Awe cu orguyo
nos por mira un joya di monumento den nos Plaza
Padu”, Parlamentario Kelly a expresa.

“E mesun anochi aki a duna reconocimento na e gran
carera di otro musico masha stima den nos pueblo,
esta Etty Toppenberg kende tur diabierna anochi na
e Plasa dilanti di Djispi’s Place, ta deleita tur hende
cu su musica unico y alegre y cu Gobierno a dicidi
di duna un reconocimento special e anochi di 17 di
maart ultimo”, el a agrega.
Fuera di e dos actividadnan aki, e fiesta cultural
despues a sigui riba Plaza Daniel Leo c’un concierto
cu bandanan local cu tambe a wordo bon asisti y a
cay na agrado di nos hendenan”, e Parlamentario a
continua.

“Diasabra dia di Himno y Bandera tur caminda por
a nota con pueblo tabata asisti na actividadnan cu
a wordo organisa den practicamente tur bario rond
Aruba, caminda hopi organisacion, scolnan cu nan
studiantenan y famianan riba nan mes, a probecha
pa bende cuminda of cos dushi local p’asina haya
fondo necesario p’asina sigui sirbi nan interesnan”,
Parlamentario Kelly a mustra.

“Diadomingo e celebracion a sigui na algun otro
sitio mas pero sin duda nos por papia di un celebra-
cion di tres dia continuo, di nos Himno y Bandera
caminda e union nacional a resalta un biaha mas y
nos hendenan mes a sostene otro dor di asisti na
e eventonan organisa y asina percura p’asina nos
hendenan saca probecho for di e gran celebracion
aki, Parlamentario Jeffrey Kelly di fraccion di AVP
a duna di conoce.