Page 20 - BNDIA ARUBA

A20 DEPORTE
Diamars 2 OctOber 2018

Jerry Geerman ta e homber di mas fuerte di Aruba

ORANJESTAD – E di tres edicion di e com-
petencia ‘Strongest Man of Aruba’ a tuma
luga na Moomba Beach durante weekend ul-
timo. Tres anochi unda boluntad, forsa, mus-
culonan y bon training a keda resalta.

Elementonan manera Barrel Throw, Truck Pull, Stone
Run, Log lift, Yoke Carry y Tire Flip tabata un reto pa
e 15 participantenan. Segun un comunicado di prensa,
durante e final riba diadomingo, audiencia a duna apoyo
na e 7 finalistanan mientras nan tabata competi pa logra
subi tres piedra di 80kg riba un stack di pallet. E gana-
do di e competencia ta Jerry Geerman, kende a gana
tur elemento excepto uno durante e tres dia di e even-
to. Mediante gana e ultimo parkour, el a corona su mes
como e homber di mas fuerte na Aruba. E prome final-
ista a keda Patrick Brugmans y e di dos Justin Dekker.

Despues di e competencia, e banda Travel Sessions a en-
tretene e audiencia. E organisadonan ta confirma cu lo tin
un di cuater edicion aña binidero.