Page 6 - DJALUNA 31 DESEMBER 2018.pdf

6 Djaluna 31 Desèmber 2018
Huntu 70 aña na EXTRA

WILLEMSTAD.- Ayera EXTRA a honra su trahadónan ku a kumpli aña di servisio,
manera tur aña nos ta hasi esaki. Esnan ku a kumpli aña di servisio ta Mirelia
Martijn 5 aña den departamento di atministrashon, Jean Carlos Villarroel Rivas,
15 aña den departamento di arte komersial, Amelin St. Jago 25 aña komo korektris
di aviso, i Rilley Ignacio ku tambe a kumpli 25 aña komo fotograf. Pues huntu nan
a kumpli 70 aña na EXTRA. Nan a risibí nan plakat i regalito for di man di nos
direktor athunto sr. Romulo Irausquin, i sra. Lysandra Trinidad di Tim di Maneho
di Redakshon. Pabien na nos koleganan. Alabes Romulo a gradisí nos kolega Sin
Paulina pa semper ta sor pa nos selebrashon di fin di aña.

Bopagara.com a kumpli i a habri bèk

WILLEMSTAD.- Djasabra den oranan di anochi, funshonarionan di Brantwer, Polis i
tambe MEO a sera e establesimentu di bende klapchi riba Cas Cora Weg Bopagara.com.
Esaki despues ku na mas ku sigur dos okashon a pasa kontrolá e establesimentu aki i
a indiká na e doño ku e tin diferente punto di atenshon pa ku e aspekto di seguridat pa
benta di vürwèrk i tambe indikashon di preis. A duna e doño atvertensia i oportunidat
pa e atendé esakinan pero sin ku nada a tuma lugá. Djasabra despues ku a sera e
establesimentu, e doño a traha duru pa kumpli ku tur e puntonan pa e por a habri ayera
mes bèk i kontinuá ku su benta di un forma responsabel.