Page 9 - MIN ARENDS
P. 9
34 AWEMainta Dialuna, 19 December 2016
Evento di Pasco di AVP tabata masal !
Feria di Speransa, un exito sin precedente
NO tabatin lugar pa pone hende riba e tereno na skina di
LG Smith Blvd y Adriaan Lacle Blvd diabierna anochi, asina
yen Green Square tabata durante henter e evento Feria di
Speransa, ofrece dor di partido AVP na pueblo di Aruba.
E anochi a inclui un concierto di kita sombra. Pueblo a acudi
masalmente. Asina mes cu tabata un dia yena cu otro activi-
dadnan tur rond e isla, e publico a asisti den forma aplastante
n’e evento special aki.
Lider di partido AVP, Mike Eman, hunto cu coleganan di
partido tabata presente di tempran pa atende cu cada un cu
a yega n’e sitio.
E musica henter e anochi tabata The Bomb, artistanan a
duna e mihor di nan. E platonan di Pasco, pasaboca, bolo y
otro cos dushi cu tabatin eynan a caba den un habri y sera
di wowo. Oliebollen a bay manera pan cayente.
Den un solo palabra: E anochi tabata formidabel. Pabien
partido AVP. Partido a mustra su forsa berde gigantesco un
bes mas.
AVP por mira bek riba un tremendo actividad. E exito di e
anochi ta muestra cu pueblo ta satisfecho cu e partido y e
actual Gobierno. Hunto nos ta logra sigur. Partido a start y
di aki ta sigui.
