Page 16 - AWEMAINTA

16 AWEMainta Diaranson, 29 Augustus 2018

Un diadomingo di famia den Dakota

Cuerpo Policial Aruba presente na expo di siguridad

FIN di weekend a culmina den un tremendo dia
di famia. Cuerpo Policial Aruba tabata presente
na Expo Siguridad den curason di Dakota. For
di 10:00 di mainta KPA tabata tin su booth na
unda nos comunidad por a haya informacion
importante con pa preveni ladronicia y diferente
otro topiconan mas.

Den oranan di merdia tabata tin demonstracion
y publico por a saca potret di nos unidadnan cu
tabata presente. Motor Unit, K9 Unit, Mobiele
Eenheid, Kust Surveillance, Polis Maritimo y
Departamento di Communicacion Informacio y
Prevencion di Cuerpo Policial Aruba tabata pre-
sente. Asina nos comunidad por a conoce nos
agente policialnan mas di serca.
Minister di Husticia Sr. Andin Bikker y Alto
comisario di Polis Sr. Andrew Hoo tambe tabata
presente pa asina mira nos unidadnan haci nan
presentacion y demostracion.

Un atardi na unda e booth di KPA tabata yena
cu muchanan chikito y grandi cu ta interesa den
e trabou di polis. Cada un a haya e oportuni-
dad pa papia cu nos agente policial, saca potret,
mira demonstracion di nos polis canino y bisti
e ekipo cu polis ta uza pa combati criminalidad.
Cuerpo Policial Aruba ta masha satisfecho cu
e reaccion y acogida ricibi di nos comunidad.
Keda pendiente pa e siguiente proyecto na unda
nos lo sigui ta mas cerca di nos pueblo.