Page 13 - BNDIA ARUBA
P. 13
a13
riba caya Diahuebs 16 augustus 2018
Turista menor di edad ta perde su pia den accidente
ORANJESTAD - Diaranson mainta, riba caminda di
Malmok pa nort di Fisherman’s Hut a sosode un ac-
cidente pisa, unda un menor di edad a perde su pia.
Polis a yega inmediatamente na e sitio, a cera e caminda y
solicita ambulancenan cu urgencia, debi cu tin persona seria-
mente herida.
Ta un accidente unda cu un ‘buggy’ ( Utv ) a dal den un van.
Esunnan den e utv ta turista di barco, y e van ta famia turista,
esta mama tata y yiunan, cu tin algun dia vakantie na Aruba.
Paramediconan a atende rapidamente cu e victima, un menor
di edad di por lo menos 7 aña, kende a perde su pia. E pia a
keda poni den jug cu ijs, y e victima a keda manda cu urgencia
pa hospital pa atencion medico avansa.
Investigacion di parti specialista di trafico a constata cu e utv
lo a perde control biniendo for di zuid, a bay den banda con-
trario y a dal den e van biniendo di nort.
E auto a dal den banda drechi di e utv cu a laga e persona
gravemente herida. Hefenan di bombero, ambulance y polis a
yega di biaha na e sitio pa ta na altura di e situacion.
