Page 56 - Бурханова электрон Монография 2024

4.1.2. расм. Кузги буғдойнинг Таня нави етиштирилган тажриба
майдонида турли ўғитлар таъсирида гумус миқдорининг ўзгариши
(% ҳисобида, 2009-2011 йилларда, ўртача)

2009 йил тажриба вариантларида гумус миқдори назорат
вариантида 0,95%, минерал ўғитлар (N150P100K50) билан Байкал ЭМ-1

препарати (8 л/га) қўлланилган вариантда 1,06%, минерал ўғитлар
(N150P100K50) билан гўнг (20 т/га) қўлланган вариантда 1,06%,
минерал ўғитлар билан биогумус (2 т/га) қўлланилган вариантда эса
1,10%ни ташкил этган. 2011 йилга келиб минерал ўғитлар

(N150P100K50) билан Байкал ЭМ-1 препарати қўлланилган вариантда
1,24% ни ташкил қилган бўлса, минерал ўғитлар (N 150P100K50) билан
гўнг қўлланган вариантда 1,18% га, минерал ўғитлар (N 150P100K50)

билан биогумус қўлланилган вариантда эса 1,20% га ошган. Энг
юқори кўрсаткич минерал ўғитлар билан Байкал ЭМ-1 препарати
қўлланилган вариантда кузатилди.

Хулоса қилиб айтиш мумкинки, тупроқга ва экинга
қўлланилган Байкал ЭМ-1 препарати суюқ эритма ҳолатда бўлиб,
таркибидаги микроорганизмлар тупроқни турли ферментлар,

физиологик фаол моддалар билан бойитиб, уларнинг фаоллигини
оширади. Натижада улар ҳаводаги азотни кўпроқ ўзлаштириб,
тупроқнинг унумдорлигини ошириб беришга ижобий таъсир
кўрсатган. Шунинг учун қишлоқ хўжалик экинларининг ўсиб-

ривожланиши ва сифатли ҳосил беришида нафақат минерал
ўғитлардан балки, ўсимликларнинг озиқа элементларига бўлган
талабини қондириш учун биологик препаратлардан қўлланилса,

мақсадга мувофиқ бўлар эди.

55