Page 13 - E-MODUL INTERAKTIF UNGGAH-UNGGUH BASA

UNGGUL 7

9. Nyaruwe Wangsulan Ingkang Boten Sae Ing Lingkungan Sekolah lan Maringi Semangat

Ing Lingkungan Sekolah

Tekaku telat

Kaya padatan, esuk kuwi kabeh wis arep nindakake kewajibane dhewe. Bapak tindak kantor dene putra-

putrane budhal sekolah. Bapak nitih sepedha montor. Dene putra-putrane namung numpak sepedha.

Sasampunipun nyuwun pangestu marang wong tuwane bocah-bocah mau padha budhal sekolah.

Widada mboncengake Widaningsih, Widati nyepedha dhewe.

Widati : “Mas, banku nggembos…..kados pundi niki?”

Widada : “Ya wis yen mangkono, Dhik Wid nganggo sepedhaku mboncengake Dhik Ning. Dene aku sing

nambalake banmu, wis kana budhala dhisik.”

Sarehne kudu nambalaken ban sepedha, Widada tekane telat kahanan sekolahe wis sepi, Widada

dikendel-kendelake matur marang Pak Suhadi guru Matematika sing wektu iku lagi ngasta.

Widada : “Nuwun Pak….kepareng kula matur.”

Pak Suhadi : “O, kowe Widada, kene mlebu, napase ditata banjur lagi matur. (Widada matur alon

nanging cetha, tangan ngapurancang, sirah ndingkluk)

Widada : “Nyuwun pangapunten, kula telat awit kedah nambalaken ban rumiyin, kula nyuwun idin

mlebet.”

Pak Suhadi : “O, ya. Alangan iku pancen ora bisa dinyana-nyana sanajan manungksa wis ngati-ati. Ora

ana sing bisa nolak alangan.”

10. Nelakaken Pangajeng-ajeng/ Donga wonten ing Lingkungan Sekolah
Apa kowe wis tau duwe angen-angen utawa harapan? Upamane angen-angen entuk juara 1 lomba

maca geguritan. Utawa nyaosi donga kanggo kancane kang nembe arep maju lomba? Kabeh kuwi mau

ana unggah-ungguhe. Aja nganti ukara kang kok aturke kleru utawa gawe tatu atine liyan. Gatekna

materi iki.

DHISIPLIN

Dina Senin, upacara bendhera wis diwiwiti nanging Guntur keri. Dheweke bingung banget jalaran

wedi yen didukani. Dumadakan Pak Biyanto Guru BK (Bimbingan Konseling) katon. Guntur ditimbali

lan didhawuhi melu upacara saka kadohan. Anwar, Anis, Boni, lan Wartana uga padha telat. Sawise

upacara rampung bocah-bocah mau didhawuhi mlebu ing ruang BK.

Pak Biyanto : “Bapak ora duka. Ayo padha lungguh sing jejeg! Mesem apa ngguyu” (Pak Biyanto

mbombong bocah-bocah).”

Anis : “Kula sedaya lajeng didhawuhi punapa Pak ?”

Pak Biyanto : “Coba wedang putih ing gelas-gelas kaegawanen mrene. Padha ngelak ta?

(Anis njupuk wedang putih, sagelas dicaosake Pak Biyanto, patang gelas dicawisake kanca-kanca.Bareng

wis padha ngombe raine katon sumringah).

Pak Biyanto : “Kepriye, anggonmu padha arep matur Bapak?”

Anis : “Kula sedaya rumaos lepat, Pak! Mugi-mugi Bapak kersa maringi pangapunten.

Salajengipun kula sedaya badhe nindakaken dhawuh saha netepi aturan upacara kanthi sadhar saha

tanggel jawab dhateng pribadi. Boten badhe kasep malih”.

Pak Biyanto : “Bener! Dhisiplin kuwi kudu metu saka rasa tanggungjawab pribadi. Tumindak

dhisiplin amarga saka rasa wedi utawa amarga ana sing ngawasi iku ora apik lan ora sehat. Sebab yen

duwe rasa ora wedi utawa ora ana sing ngawasi mesthi bakal tumindak sakarepe dhewe sanajan ngerti

ana aturan. Tumindak dhisiplin kudu metu saka rasa tanggung jawab pribadi lan metu saka prentuling

ati. Mula ana sing ngarani dhisiplin mental. Ha… ha…ha.”

(Pak Biyanto gumujeng karo nyalami bocah papat ganti-ganti).

Wartana : (Karo noleh marang Boni) “Bon aku tak ganti takon kowe! Bapak guru sing disiplin

Kuwi sapa?”

Boni : “Nuwun sewu Pak, ya Pak Biyanto iki”

Anis : “Apa alasane?”

Guntur : “Alasane cetha, awake dhewe nerak aturan, ora didukani. Malah diparingi wedang,

mari ngelak, ora mnagkel, nanging … kapok ! (ha…ha… kabeh padha ngguyu, sing oramung Pak biyanto)”

Pak Biyanto : “Sembrana, wis kana padha mlebu kelas!” (Bocah-bocah nuju kelase dhewe-dhewe

karo keduwung nanging bungah)

Fitri Nurhayati, S.Pd.