Page 15 - E-MODUL INTERAKTIF UNGGAH-UNGGUH BASA

UNGGUL 9

13. Unggah-Ungguh Atur-atur

Atur-Atur

Wonten ing bebrayan Jawa ana kang nembe duwe gawe. Adat nalika ngaturi sanak sedulur supaya kersa

rawuh paring donga. Wonten ing acara kasebut ora kesupen kang duwe gawe nganakake slametan kang

diarani among-among utawa kendhuri saha adate jaluk tulung marang tiyang enom.

Ngaturi rawuh wong liya wonten ing hajatan kuwi ugi saged kanthi lisan saha kanthi undangan

(ulem). Tembung atur-atur duwe teges ‘ngaturi rawuh’. Atur-atur duwe ancas ngaturi utawi ngulemi

wong liya supaya kersa rawuh ngrawuhi acara.

Unggah-ungguh atur-atur

uluk salam kaliyan ndhodhog lawang

ngagem busana ingkang pantes kaliyan sopan

tata krama ingkang sae

migunakaken basa ingkang sae

Bakune wicanten atur-atur

Kula nuwun

Sasampunipun pinanggih wilujeng kepareng kula matur Bapak/Ibu..

Sowan kula mriki dipunutus Bapak/Ibu…

Panjenengan Bapak/Ibu…mangke/benjang (wektu) kaaturan rawuhipun wonten dalemipun Bp/Ibu…

(kagungan kersa)

Mekaten anggen kula matur wonten kirang langkungipiun nyuwun panganpunten

pamitan

Tuladha Atur-Atur Kendhuren

Budi : “ Kula nuwun”

Pak Toni : “ O, Mas Budi kene-kene lungguh”

Budi : “ Inggih pak maturnuwun”

Pak Toni : “ Wah kok njanur gunung ana wigati apa iki?”

Budi : “ Kepareng kula matur Bapak, ingkang sepisan sowan kula mriki tuwi kawilujenganipun

Bapak. Dene kaping kalihipun kula dipunutus Bapak Sarmidi, panjenengan dipunaturi rawuh wonten

dalemipun mangke bakda maghrib saperlu kendhuri tasyakuran nikahanipun Mbak Siti kaliyan Mas

Joko.”

Pak Toni : “ Iya Mas, aturmu tak tampa, matura Pak Sarmidi yen ora ana alangan aku dak sowan

mrana.”

Budi : “ Inggih pak, salajengipun kula nyuwun pamit, menawi anggen kula matur wonten kalepatan

kula nyuwun pangapunten.” (sinambi salaman)

Fitri Nurhayati, S.Pd.