Page 41 - alice-kbd_text.qxp_9781904808169_text

Т ХЬ Э КӀ У М Э КӀ Ы ХЬ Ы ГЪ УЭ М У И ПЩХЬ Э М Э

хуэдэу, къызыщигъэхъужт. «Иджыпсту тӏу сыхъуу пхужыӏэн -
къым!» егупсысащ Алисэ. «Си закъуэу си щхьэм сезэгъы -
жащэрэт.»
Апхуэдэу егупсысурэ, еплъыхамэ, ӏэнэ щӏагъым зы абдж
пхъуантэ ӏэхулъэху цӏыкӏу кӏэщӏэтщ. Къызэтрихамэ—хьэлывэ
дэлъщ. Хьэлывэм жызум гъэгъуакӏэ дахэщэу тедзащ: «СЫШХ!»,
жэуэ. «Атӏэ хуитщ,» жиӏащ Алисэ, «усшхынщ! Ин сыхъумэ, дыщэ
ӏункӏыбзэӏухыр къэсщтэнщ, нэхъри нэхъ цӏыкӏу сыхъумэ—бжэм
сыкӏэщӏэпщынщ. Хъуныр—хъуащ, ауэ даурэ мыхъуами, жыг
хадэ дэхащэм сыкъыщыхутэн хуейщ.»
Алисэ едзакъэри хьэлывэм, къэгузавэри жиӏащ –
«Сыхэхъуэрэ хьэмэ сыхэщӏрэ? Сыхэхъуэрэ хъэмэ сыхэщӏрэ?»
Ар здыжиӏэм и ӏэ лъэныкъуэр и щхьэщыгум трилъхьащ,
къыщыщӏыр игъэбелджылыну, ауэ ини цӏыкӏуи хъуакъым.
Аргуэру зэ-тӏо едзакъэри, зыри къыщымыщӏауэ щилъагъум,
игъэщӏэгъуащ. Мо телъыджэхэр къызэуалӏэу еса Алисэ, адрей
къызэрыгуэкӏ хьэлывэшххэм ещхь щыхъужым, тӏэкӏуи игу
къеуащ, ауэ зэрыхьэлывэу ирихуэкӏыу ишхащ.

* * * *
* * *
* * * *

15