Page 37 - alice-kbd_text.qxp_9781904808169_text

Т ХЬЭКӀУМЭКӀЫХЬЫГЪУЭМ У ИПЩХЬЭМЭ

Динэрэ езымрэ я ӏэпэ зэрыӏыгъыу къыздакӏухьым, пщащэр
йоупщӏ джэдум: «Динэ, зыкъэӏуэтэж, гъудэ пшхырэ?» Ауэ Джэдум
жэуап къритыжын хущӏэмыхьэу, «Уаргу!» жэӏэ, ӏэмбатэу зэтелъ
тхьэмпэ къыпыщэщахэм яхэхуащ.
Абыкӏэ иухащ пщащэм лъэтэн. Зыри зэримыгъэузар Алисэ
къыщыгурыӏуэм, къыщылъэтыжри зиплъыхьащ. Псом япэ дэп -
лъеящ—кӏыфӏ хъуакӏэт. Ипэкӏэ плъамэ—бгъуэнщӏагъ ири кӏуэм
Тхьэкӏумэкӏыхь Хужь еужьэрэкӏыр жыжьэу къилъэ гъуащ. Алисэ
зричри кӏэщӏу Тхьэкӏумэкӏыхь Хужьым иужь иуващ, мискъэ
иджыпсту лъэщӏыхьэнукъэ, щыжыпӏэм, Тхьэкӏу мэкӏыхь Хужьым,
къуагъым къыздигъазэм къыжьэ дэхуащ: «Ахь, си пащӏэ, си
тхьэкӏумэ цӏыкӏу мыгъуэхэ! (абыи и тхьэкӏумэхэр фӏэцӏыкӏут).
Сыкъыкӏэрохури, слӏо сщӏэжыныр?» Тхьэкӏумэкӏыхь Хужьыр
къуагъым къуэлъадэри бзэхыжащ.
Абы и лъэужьыр зыху Алисэ щӏыпӏэ гъуэщӏэгъуэн гуэрым
къыщыхутащ: бгъэнщӏагъ пэшыр хуэлъагэу кӏыхьт, пэшыщхьэр
пэнэфу къагъэунэхут нурыдз пылъхэм, лъэныкъуитӏымкӏи бжэхэр
ирекӏуэкӏт. Ауэ псори зэхуэщӏауэ къыщӏэкӏащ—Пэшым и
хъуреягъыр Алисэ тӏо къикӏухьащ, бжэхэр гъэбыдат.
Зэрыхуа щытыкӏэм къызэрикӏыжын ӏэмалхэм Алисэ егупсы -
сурэ, утыкур къыздэзэхикӏухьым, абджым къыхэщӏыкӏа зы ӏэнэ
лъакъуищ цӏыкӏу гурым ӏууащ. Ӏэнэм жьгъей дыдэу дыщэ ӏункӏыб -
зэӏух телът. Пщащэр къэзэрымыкӏуэу къэгуфӏэри, дыщэ ӏункӏыб -
зэӏухыр бжэуэ хъуам иригъэпщащ. Ӏункӏыбзэхэр иныщэт, е
ӏункӏыбзэӏухыр цӏыкӏущэт?—Зыми хуэхъуакъым. Ауэрэ, имы -
щӏэххэу, лъэгу дыдэм къилъэгъуащ ӏупхъуэ. ӏупхъуэр ӏуигъэ -
кӏуэтамэ—бжэ цӏыкӏунитӏэ къыкъуэщащ. Дыщэ ӏункӏыбзэ ӏухыр
щыриӏуэм—О-о-о, хуфӏыркъабзэщ!
Алисэ бжэр къыӏуихщ, ӏэмблъэмбу тӏысщ, иплъэри—
къэуӏэбжьащ: зи дахагъэр пхужымыӏэжын жыг хадэ гъэщӏэ -
гъуэныщэм хуэкӏуэт гъуэр. Фегупсыст а дакъикъэм Алисэ и гум
щыхъам—пщащэм теплъэгъуей бгъэнщӏагъыр ибгынэу, жыг хадэ
гъэщӏэгъуэныщэм хуиту хьэуа къабзэ ишэн хуей хуэдэу къэ -
хъуащ. Ауэ ипщхьэпӏэ ӏузэм, псори щыгъэтыжауэ, Алисэ и щхьэ

11