Page 156 - alice-kbd_text.qxp_9781904808169_text

А Л И С Э ТЕЛЪЫДЖЭЩӀЫМ З Э Р Ы Щ Ы Ӏ А Р

къэщта Дзыгъуэр зэпрысыкӏащ; хьэкъущыкъу макъ къэӏуащ—
Гъатхэпэ Тхьэкӏумэкӏыхьым и ныбжьэгъухэр кӏэ зимыӏэ шейм
иригъафэт; «И щхьэр пывупщӏ!» къэгуоуащ Уэлий-Гуащэр,
Уэркъ-Гуащэм и куэщӏым илъ сабий цӏынэр къепсащ, фийуэ
тепщэчхэмрэ, фалъэхэмрэ хьэуам къалъэтыхьт; къэгуоуащ жьы
-жьэу Аслъэн-Бгъэжьыр; къэнэӏуащ Хьэдэпщэмыӏу Нэпцӏ
тхьэмыщкӏэм и гъы макъри…
Ауэ куэди темыкӏыу псори ипӏэ иувэжащ: жьыбгъэм удзыпцӏэр
игъэщхъыщхъащ; хьэкъущыкъу макъыр—мэлхэм я пщэм фӏэлъ
уэзджэнэм и жьгъыру макъ, Уэлий-Гуащэм и гуо макъыр—
ӏэхъуэм и макъ, сабий гъы макъымрэ Аслъэн-Бгъэжьым и кӏий
макъымрэ—ӏуэм ит былым макъ, Хьэдэпщэмыӏу Нэпцӏым и гъы
макъыр—жыжьэу шкӏэ бу макъ хъужахэщ.
Икӏэм икӏэжым, абы и нэгу къыщӏигъыхьащ Алисэ ин хъуауэ,
и гум и сабиигъуэм и ӏэфӏагъыр щызу, зи нэр къицӏыукӏыу
къэзуфэрэзыхь сабийхэм, гу хуабагъэр зыхэлъ псысэхэмкӏэ
ядэгуашэу. Къахуиӏуэтэжынщ Алисэ Телъыджэщӏым зэрыщыӏар,
гузэвэгъуэуи гуфӏэгъуэуи и гум щыхъахэр, езыми и сабиигъуэмрэ
и насыпӏыфӏэ гъэмахуэ махуэхэмрэ игу къэкӏыжынщ.

130