Page 153 - alice-kbd_text.qxp_9781904808169_text

А Л И С Э М И Щ Ы ХЬ Э Т

«„Ди пщӏыхьым дыгъэм дыщопщӏыхь“, си дыгъэ нэху цӏыкӏу!»
ӏущащэурэ жриӏащ Пщы-Уэлийм и щхьэгъусэм, «дыгъэм хуэдэу
укъызэщӏэплъа къысфӏощӏ уэ.»
«Хьэуэ, си псэм хуэдэ, мыл такъырым хуэдэу сыщӏыӏэщ. Хьэщ -
хьэ лъэдакъэм фезгъэуэн иджыпступцӏэ псори!» и джэдыгур
зэридзэкӏри Уэлий-Гуащэм Былэ Цӏыкӏум шакъалъэр ириутӏып -
щащ. (Былэ ӏэхъуамбэкӏэ тхэн щӏидза щхьэкӏэ, ӏэхъуамбэм
лъэужь къызэримыгъанэр щилъагъум, и щхьэм къежэх шакъэм
хигъауэурэ, тхэн иригъэжьэжащ.)
«И щхьэр пывгъэлъэт! Псын -
щӏэу!» къэтхытхри, зыхуэмышэ -
чыжу къэкӏиящ Уэлий-Гуащэр.
«Хабзэ телъхьэлӏхэм япэ хьэкъ
телърэ темылърэ зэхагъэкӏын
хуейщ, си псэм хуэдэ,» жиӏащ
щабэ-щабэу Пщы-Уэлийм.
«Хьэуэ,» идакъым къэгубжьауэ
пэцыр изыч Уэлий-Гуащэм, «япэ
и щхьэр пыдупщӏынущ. Итӏанэ
унафэ кърырахьи, адэкӏэ хьэкъ
телърэ темылърэ зэхэдгъэкӏы -
жынщ!»

127