Page 149 - alice-kbd_text.qxp_9781904808169_text

А Л И С Э М И Щ Ы ХЬ Э Т

«Зыри-зыри?» щэху гуэр къыпкъырихын и мурад хуэдэу
къеупщӏащ Пщы-Уэлийр.
«Зыри-зыри,» къытригъэзэжащ Алисэ.
«Абы мыхьэнэшхуэ иӏэщ,» жиӏащ Пщы-Уэлийм телъхьэлӏхэм
зыхуигъэзэурэ. Ахэм я къабзийхэр къапхъуатэри тхэн щӏадзащ,
ауэ Тхьэкӏумэкӏыхь Хужьыр къыхэпсэлъащ. «Зиусхьэным жи -
ӏэну зыхуеяр нэгъуэщӏщ: мыхьэнэшхуэ иӏэкъым—аращ ди зиус -
хьэным жиӏам къригъэкӏар,» щӏыхь лей ирих хуэдэурэ жиӏащ,
губжьауэ ӏэпэ тэрмэш Пщы-Уэлийм хуищӏурэ.
«Ари пэжщ,» къэгузэващ Пщы-Уэлийр. «Арат жысӏэну сызы -
хуеяр. Мыхьэнэшхуэ иӏэкъым. Ар дыдэращ: мыхьэнэшхуэ иӏэ -
къым!» Пщы-Уэлийм и щхьэ хуэпсэлъэжу щӏидзащ: «Мыхьэнэ
иӏэщ—мыхьэнэ иӏэкъым, … иӏэщ—иӏэкъым…иӏэр иӏэкъым»
Изыныкъуэ хабзэ телъхьэлӏхэм ятхащ—«мыхьэнэшхуэ иӏэщ»,
адрейхэм—«мыхьэнэшхуэ иӏэкъым». Алисэ гунэгъуу щытти а
псори дахэ дыдэу илъэгъуащ. «Ятхами, ямытхами—мыхьэнэ
иӏэкъым,» егупсысащ пщащэр.
А дакъикъэм Пщы-Уэлийм псынщӏэу и ӏэрыхуэ тхылъ цӏыкӏум
зыгуэр иритхэри, къахэгуоуащ: «Щэхуу!» Иплъэри и тхылъым
къеджащ: «Тӏощӏитӏрэ етӏуанэ хабзэ. Метрэрэ ныкъуэрэ пщы -
кӏузрэ нэхъ иным зыӏэжьэ хэмыту хьэкумэщыр ибгынэн хуейщ»

Псори, нэкӏэ яшхыурэ, Алисэ хуэдэплъеяхэщ.
«Сэ метрэрэ ныкъуэрэ пщыкӏузрэ сыхъукъым,» имыдэу, жиӏащ
Алисэ.
«Йохъу,» жиӏам къытекӏакъым Пщы-Уэлийр.
«Уэ, дахэ, метритӏым нэхъ мащӏэ ухъукъым,» дищӏыгъуащ
Уэлий-Гуащэм.
«Зы щӏыпӏи сыкӏуэнукъым,» жиӏащ Алисэ, «Апхуэдэ хабзэ
щыӏэкъым, ар иджыпсту уэ къэбгупсысащ.
«Пэжыр жысӏэнщи, абы нэхъ пасэрей хабзэ диӏэкъым,»
хуидакъым Пщы-Уэлийм.
«Атӏэ, ар щӏэмыезанэ хабзэр сыту пӏэрэ?» пиубыдащ пщащэм.

123