Page 147 - alice-kbd_text.qxp_9781904808169_text

XII E ДЗЫГЪУЭ

Алисэм и Щыхьэт

ис!» къэгуоуащ Алисэ. Абы дакъикъэ зытӏущ блэкӏам
«Мфӏыуэ зэрыхэхъуар щыгъупщэжри, гузэвэгъуэм хэту
къыщыщылъэтым, и кӏэпхыныр хабзэ телъхьэлӏхэм я тетӏыс -
хьэпӏэм фӏэнэри, ахэр псори зэбгырыщэщащ. Телъхьэлӏхэр
щылът псым бдзэжьей къыхадзам ещхьу: я нэхэр къикӏауэ, я
жьэхэр яукъыу… Абыхэм Алисэ игу къагъэкӏыжащ тхьэмахуэкӏэ
узэӏэбэкӏыжмэ абдж унэ зэхикъутам къихуа бдзэжьей цӏыкӏухэр.
«Кхъыӏэ, къысхуэвгъэгъу,» жиӏэри Алисэ, хуежьащ телъхьэлӏхэр
къызэхуихьэсыжурэ щхьэж и тӏысыпӏэм игъэтӏысхьэжын. Абдж
унэм къихуа бдзэжьейхэр и щхьэм икӏтэкъым абы. Телъхьэлӏхэр
псынщӏэу къызэхуихьэсыжу тетӏысхьэпӏэм имыгъэтӏысыжмэ ахэр
лӏэн хуэдэу къыфӏэщӏт.
«Хабзэ телъхьэхэм я щысыпӏэр яубыдыжмэщ хьэкумым и лэ -
жьыгъэр щыпидзэжынур,» жиӏащ ткӏийуэ Пщы-Уэлийм. «Иджы -
ри зэ къытызогъэзэж,» зэпишу жиӏащ аргуэру Пщы-Уэлийм
Алисэ и нэр къытримыхыурэ. «Псоми я щысыпӏэр яубыдыжмэ!
Тызогъэзэжри, тызогъэчыныхь: Псоми, зы къэмынэу!»
Алисэ хабзэ телъхьэлӏхэ зэхуихьэсыжахэм щахэплъэм къилъэ -
гъуащ тхьэр зэбга шындырхъуо Былэ тхьэмышкӏэр щхьэкӏэ

121