Page 145 - alice-kbd_text.qxp_9781904808169_text
P. 145
X Э Т Х Ь Э Л Ы ГЪ УА Н Э Р З Ы Д Ы ГЪ УА Р?
Щыхьэтыр мы зэм Фыз Пщэфӏакӏуэрат. Ар хьэкум здащӏ
пэшым иджыри къыщӏыхьатэкъым—бжэм и гъунэгъуу щысхэр
къепсын щыщӏадзам. Алисэ занщӏэу къыгурыӏуащ къыщӏы -
хьэныр зищӏысыр.
«Къыдэт жэуапхэр,» жиӏащ Пщы-Уэлийм.
«Фэстынукъым,» иувыкӏащ Фыз Пщэфӏакӏуэр.
Пщы-Уэлийр Тхьэкӏумэкӏыхь Хужьым щабэу игъэтэрызыжащ.
«Зиусхьэн, ар зэӏэпыдз упщӏэ хэдзэм хэдгъэплъэн хуейщ,» щэхуу
жиӏащ Тхьэкӏумэкӏыхь Хужьым.
«Атӏэ, зэӏэпыдзмэ зэӏэпыдзщ,» къэпэпщащ Пщы-Уэлийр хъы -
жьэрыплъэфэ къызытригъауэри: и ӏэхэр и бгъэм деж зэридзэри,
и набжьэр зэхуиукӏэри… (И нэ лъэныкъуэр щыщӏиӏуантӏэм
Алисэ ӏей дыдэу къэшынащ.) Икӏэм икӏэжым, Пщы-Уэлийм
тэмакъ зэв итхъунщӏыкӏакӏэ къэӏуащ: «Сыт хьэлыгъуанэр къыз -
хащӏыкӏыр?»
«Шыбжийщ,» жыуап къыритыжащ абы Фыз Пщэфӏакӏуэм.
«Фоупсым,» женыбащхъуэ макъ къыщхьэщыӏукӏащ пэшым
щӏэс гуэрым.
«Къэвубыд мо Жеинэр,» пхъэдэкъэжьым хуэдэу къэлыбри
гъуэхъуащ Уэлий-Гуащэр. «И щхьэр пывгъэлъэт! Хэвгъэщӏ!
Фепӏэскӏу! И пащӏэр къытефч!»
119
