Page 141 - alice-kbd_text.qxp_9781904808169_text
P. 141
X Э Т Х Ь Э Л Ы ГЪ УА Н Э Р З Ы Д Ы ГЪ УА Р?
«Хьэуэ, хьэуэ, зиусхьэн,» гузавэу хигъэуващ и псалъэр Тхьэкӏу -
мэкӏыхь Хужьым. «Иджыри жьыщэщ, псори хабзэм тету тщӏын
хуейщ.»
«Ерэхъу, атӏэ,» жиӏащ Пщы-Уэлийм. «Къевджэ япэрей щыхьэ -
тыр.» Тхьэкӏумэкӏыхь Хужьыр щэнейрэ нэкъырэм епщэри
гуоуащ: «Япэрей щыхьэт!»
Япэрей щыхьэтыр Пыӏэщӏырауэ къыщӏэкӏащ. Абы и ӏэ лъэны -
къуэмкӏэ къэлмыкъ шей фалъэ, адреймкӏэ хьэтыкъ хуабэ иӏыгъыу
тэхътэм бгъэдыхьащ. «Къысхуэгъэгъу, зиусхьэн,» къыщӏидзащ
абы, «фалъэ сӏыгъыу сыкъызэрыфхуэкӏуар. Сы къыщраджам шей
сефэти итар исфын схущӏыхьакъым…»
«Ухущӏыхьами хъунут,» жиӏащ Пщы-Уэлийм. «Куэд щӏа шей
ефэн зэребгъажьэрэ?»
Пыӏэщӏыр къызэплъэкӏри иужьым ит Гъатхэпэ Тхьэкӏумэ -
кӏыхьымрэ Жеинэмрэ яплъурэ жиӏащ: «Епщыкӏуплӏанэ гъат -
хэпэра къысфӏощӏыж.»
«Епщыкӏутхуанэращ,» игъэтэрызыжащ Гъатхэпэ Тхьэкӏумэ -
кӏыхьым.
«Епщыкӏуханэрэращ» нэхъри игъэтэрэзыжащ Жеинэм.
«Ифтхэ,» яжриӏащ Пщы-Уэлийм телъхьэлӏхэм. Телъхьэлӏхэм
псынщӏэу я пхъэбгъу кӏапэхэм тратхащ мобыхэм кърабжэкӏа
псалъэхэр. Ахэр зэхалъхьэжри, къыщӏэкӏар сом бжыгъэу ялъы -
тэжащ.
«Уи пыӏэр щых,» унафэ хуищащ Пыӏэщӏым Пщы-Уэлийм.
«Ар сысейкъым,» жиӏащ Пыӏэщӏым.
«Къэбдыгъуа!» дыщэ бетакъ хуэдэу къызэщӏэлыдэри Пщы-
Уэлийр захуигъэзащ къабзийхэр зыгъэхьэзыра телъхьэлӏхэм.
«Ар сщэну къэзгъэхьэзыращ,» къагуригъэӏуащ Пыӏэщӏым. «Сэ
пыӏэ сиӏэкъым, сэ сыпӏыӏэщӏщ.»
Иджырэ къэс зызущэхуу щыса Уэлий-Гуащэм нэгъуджэ
зыӏуилъхьэри Пыӏэщӏыр щызэпиплъыхьыщ, мо тхьэмыщкӏэм и
фэр пыкӏащ.
«Дахэ цӏыкӏуу, умыгузавэу зыкъэӏуэтэж,» жиӏащ Пщы-Уэлийм,
«мыхъумэ уи пӏэм умыкӏыу зэшэзэпӏэ уазгъэщӏынущ.»
115
