Page 137 - alice-kbd_text.qxp_9781904808169_text
P. 137
Е Л Ы РКЪ Э Ш Ы М И У ДЖ П Ы Х У
Шылъэгу хьэнтхъупсыр апхуэдизу ӏэфӏщи,
Мы дунейм ӏэфӏу тет псом я нэхъ ӏэфӏщи,
Йомыгъафэмэ лэпс уи ныбжьэгъур
Пхущӏиудынущ губжьынщи уи жьэгъур.
Сыту у ӏэфӏ! Сыту у ӏэфӏ! Ей!
Сыту у ӏэфӏ! Сыту у ӏэфӏӏей!
Шылъэгу хьэнтхъупс,
Шылъэгу хьэнтхъупс.
Сефэмэ сэ лэпс,
Сыкъещӏыж щӏэрыпс!
Сыту уӏэфӏ! Сыту уӏэфӏ! Ей!
Сыту уӏэфӏ! Сыту уӏэфӏӏей!»
«Иджыри зэ!» къэгуоуащ Аслъэн-Бгъэжьыр. Хьэдэпщымыӏу
Нэпцӏым зыгуэр жиӏэну хуейуэ и жьэр зэтриха къудейуэ, макъ къэӏуащ:
«Хьэкумэщӏэр къокӏуэ!»
«Накӏуэ!» жиӏэри Аслъэн-Бгъэжьым, Алисэ и ӏэр къиубыдри ирилъэ -
фэжьащ уэрэдыр икӏэм нэсыху емыжьэу…
«Хэт зи хьэкумэ ящӏэр?» хьэчэурэ еупщӏащ Алисэ. Ауэ Аслъэн-
Бгъэжьыр гузавэм хэту жэт: «Накӏуэ!» фӏэкӏа къыжьэдэмыкӏыу. Здэжэм
жьыбгъэм ялъэщӏигъыхьэт абыхэм Нэпцӏым и ежьу макъамэр. Уэрэдыр
нэхъ щэху хъууурэ, хъууурэ—хьэуам хэткӏухьыжащ:
«Сыту уӏэфӏ! Сыту уӏэфӏ! Ей!
Сыту уӏэфӏ! Сыту уӏэфӏӏей!»
111
