Page 134 - alice-kbd_text.qxp_9781904808169_text

АЛИСЭ ТЕЛЪЫДЖЭЩӀЫМ ЗЭРЫЩЫӀАР

зэрыпылъам нэсыхукӏэ. Абдежым Хьэдэпщэмыӏу Нэпцӏыр
хэщэтыкӏри жиӏащ: «Ар сыту гъэщӏэгъуэн!»
«Телъыджэщ!» диӏыгъащ абы Аслъэн-Бгъэжьым.
«Зы псалъэ тэрэзу хэткъым,» хэгупсысыхьыурэ жиӏащ Хьэдэп -
щэмыӏу Нэпцӏым. «Дэри зы усэ гуэр укъытхуеджатэми хъунут.
Жегъыӏэ.» Хьэдэпщэмыӏу Нэпцӏыр Аслъэн-Бгъэжьым еплъащ
абы Алисэ игъэдэӏуэфын ӏэмалъ нэхъ иӏэ хуэдэу къригъэкӏыу.
«Къызэфӏэуви мыдэ къыджеӏэт, дахэ, псынщӏэу „Щхьэхынэ
хахуэм и уэрэд“ жихуиӏэ усэ гъэщӏэгъуэныр,» унафэ ищӏащ
Аслъэн-Бгъэжьым.
«Сыту мыбдежым унафэ ящӏыну фӏыуэ ялъагъурэ,» егупсысащ
Алисэ. «Псоми усэ гукӏэ сыкърагъаджэну пылъщ. Еджапӏэ сыщы -
ӏэми ерагът.» Ауэ Алисэ хъыджэбз жыӏэ-даӏуэ цӏыкӏу хуэдэу
къэтэджри еджэн щӏидзащ. Абы и акъылыр елыркъэшхэмрэ
абыхэм я уджхэмрэ зэхатхъуати, жиӏэр кӏуэрыкӏуэм тету езым
зэрызэхилъхьэжыр къыгурыӏуакъым.

«Елыркъэшыр мэгъуахъуэ:
„Дэнэ щыӏэ си гуахъуэр?
Блашэр къэзубыдынущи
Зэрыцӏынэу ар сшхынущ!“

Къепхъуатэри гуахъуэр,
Блашэм мэлъыхъуэ,
Блашэр къызэрилъагъуу
„Сыкъевгъэл,“ жери, мэгъуахъуэ!»

«Сэ еджапӏэм сыщеджэу щытам, мы усэм нэгъущӏ псалъэщ
хэтахэр,» жиӏащ Аслъэн-Бгъэжьым.
«Сэри апхуэдэ зэи зэхэсхакъым,» жиӏащ Хьэдэпщэмыӏу
Нэпцӏыми. «Елыркъэшым зэхомыгъэх, игу къеуэнщ.»
Алисэ къыгурыӏуэжати, япэм ищӏэу щыта усэр иджыпсту
къыжиӏам ауэми зэремыщхьыр, пшахъуэм етӏысэхри и щхьэр

108